22-нши октябрь айында Турция элинде ногайлар арасында халклар ара футбол бойынша турнир басланган. Бу шарада Турциядан, Норвегиядан, Германиядан, Голландиядан эм Россиядан командалар ортакшылык этеек. Ойынлар Анкара каласында оьтеек. Бу халклар ара турнирде «Ногай ямагаты» РОО белсен катнасады. Россия атыннан быйыл 2015-2016 йыл Ногай футбол бойынша лигасынынъ чемпионы «Каясула» командасы ойнаяк.

А.Нурлубаев,

Москва каласы.

2016-ншы йылдынъ 19-ншы -20-ншы августында Россиядынъ йыйылыс куьби Рио-де Жанейрода оьткен олимпиадада спорт бийикликлери уьшин айкаслар юрген шакта, Нефтекумск калада оьткен Х-нши «Шоьл баьтирлери» деген эркин куьрес бойынша турнирине конаклар эм катнасувшылар йыйылган эдилер. Нефтекумск каласында «Старт» спорткомплексининъ алдында коьп аьдемлер йыйылган эди. Ногай йырлар анълары авада занъырап эситилдилер, коьз суьйиндирген миллет кийимлеринде яслар эм кызлар, аьдемлер юрген ерде койылган терме ярыска йыйылганлардынъ эсин оьзине каратты. Нефтекумск каласы Х-ншы «Шоьл баьтирлери» деген эркин куьреси бойынша туьрли ерлерде яшаган ногайлардынъ ярысына келген конакларды эм катнасувшыларды йолыкты. Нефтекумск районында яшайтаган ногайларга конакка Астрахань каласыннан, Шешен эм Карашай-Шеркеш республикаларыннан, Дагестаннан, Ставрополь крайыннан, боьтен де кызыклысы, мундай турнирде биринши кере ортакшылык этуьв мырад пан, Донецк Халк Республикасыннан келген ногайлары- шынты баьтирлери келген эдилер. Уьш аьдемнен туьзилген куьби уьйкен разылык пан шакырувды кабыл этип, бизим кубыла кыралымызга йол алдылар.

Бу ярыс тарихине он йылларга ювык болады. Биринши кере эркин куьресуьви бойынша йигитлеримиз 2007-нши йылда Дагестан Республикасындагы Ногай районынынъ Терекли-Мектеб авылында ярыстылар. Эм сол заманнан алып, ярыс аьр йы сайын ногайлар яшайтаган ерлерде озгарылып келеди. Юз йыллар артта ногайлардынъ миллет куьреси кенъ белгили болып баслаган. Эм шынты баьтирлери сол куьрес кебинде йыйы ярысканлар. Аьвелги заманларда байрамларда тюрк халкларында мундай куьреслерди йыйы озгарганлар. Эм буьгуьнлерде эркин куьрес кеби мен, боьтен де, ясларымыз кызыксынадылар.

Ярыска келген конакларга эм ярыс катнасувшыларына хошлав соьзлери мен онынъ уйгынлавшылары Ставрополь крайынынъ ногай регионаллык миллет-культуралык автономиясынынъ ваькиллери, онынъ спонсорлары эм учредительлери, Нефтекум район администрациясынынъ ваькиллери, ярыстынъ бас спонсоры, АО «Каясулинское» етекшиси Азрет Шерпеев шыгып соьз айттылар.

Ярыс йогары коьнъилде оьтти. Эм оьткен шара туьрли ерлерден келген аьр бир ногайдынъ юреклеринде бирлик, татымлык, халкы уьшин оьктемлик сезимлерин беркитпеге себеплик этти.

Суьвретте: шарадан коьринис.        

Нариман авыл орта мектебининъ 11-нши класс окувшысы Камилла Юмагельди кызы Менглигазиева, Анапа каласында оьткен спорттынъ кикбоксинг кеби бойынша дуныя кубогынынъ чемпионатында ортакшылык этип, биринши орынга тийисли болып келди.

Бизим Марат спорт пан кишкей бала болып каьрлеп келеди, а буьгуьнлерде соны биз онынъ каркырасына карап коьремиз. Тенъ-йолдаслары арасында да йигит сый казанган. Сол сый, олардынъ коьтергишлеви Маратка енъуьвлерге демевлик береди. "Спорт – аьдемде оьзи уьшин оьктемликти коьтереди.