Юлдызы соьнип, дуныядан аьдем кешсе, оны таныганларга бек авыр болады, онынъ ювык аьдемлери болса, яшавынынъ ызгы куьнине дейим толтырылмас йойымы ман байланыслы кайгыды юрегинде саклайдылар. Сраждиннинъ аьзиз карындасы, меним кардашым Вайдат бу куьнге дейим де аявлап саклайды аданасынынъ эстелигин. Ол оьзининъ эрине, бес кызына, тоьгеректеги баьри ювыкларына ялгыз аданасы Сраждинди кайтип суьйгенин билдирип, сездирип келеди....
Ол бизден кеткенли, мине 20 йылдан артты. Не шаклы йыл кетсе де, онынъ акында авырув кемимейди, авырув баска болады, йылдан-йылга – бираз яркын, философиялык маьнеси де куьшленеди. Авырув кемимейди, белки, онынъ орынына баска аьдем келмегенге болса ярайды. Баскалар келеди – талаплы, яркын, бажарымлы. Тек баска дережели. Ондай бирев де болмаяк. Экинши Батыров болмаяк.
Сраждин Батыров талаплы, аьлемет аьдем эди. Астрахань областининъ еринде яшайтаган ясуьйкенлер несилиннен коьплеген аьдемлер оны ман таныс болган. Яратувшылык пан каьрлевши аьдем, Сраждин бир еринде турмайтаган болган, ол аьр дайым ислеп турган. Сраждин Батыровты ногайлардынъ кырк биринши баьтири деп айтпага боламыз. Оькинишке, ол эрте кетти бизим арамыздан. Сен аьр дайым бизим юреклеримизде, Сраждин! Ногай халкымыздынъ...
Янъыларда Россиядынъ естестволык илмилерининъ академиясы Карашай-Шеркеш Республикасынынъ Халк язувшысы, публицисти, сыйлы Иса Суюнович Капаевти билимди таралтув эм адабиат боьлиги бойынша член-корреспонденти этип сайлаган деген суьйинишли хабары келди.
Газета – окувшылар арасында энъ кенъ яйылган, тиражи уьйкен коьлем информация амалларынынъ бириси. Онынъ бетлеринннен яслар да, эслилер де тез аьлинде сонъгы янъылыклар акында биледилер, туьрли газеталык жанрларында язылган макалаларды кызыксынып окыйдылар. Тек аьлиги заманда, боьтен де яс несилимиз, компьютерлик технологиялар ман аьвлигип, газетадай коьлем информация амалына эс каратпайдылар.
Сраждин Батыровтынъ аты ман ногайлардынъ суьврет ясав саниятынынъ оьсуьви мен байланыслы. Ол – ногай халкынынъ суьврет ясав дуныясынынъ негизин салувшы, биринши кеспили суьвретши, Дагестан Республикасынынъ ат казанган саният куллыкшысы.
Янъыларда Ногай район орталык китапханасынынъ окув залында, татар шаири, Уллы Аталык согысынынъ катнасувшысы эм ветераны Муса Джалиль тувганлы 115 йыллыгына багысланып, «Эрлик калар оьмирлерге» деп аталган яттан ятлав окув шарасы озгарылды. Белгиленген шарада Кадрия атындагы орта мектебининъ сегизинши класс окувшылары катнастылар.
ДАССР курылганлы 100 йыл толувы ман байланыслы болып, район орталыгымыздынъ билимлендируьв учреждениелеринде, маданият тармагында коьп шаралар озгарылдылар.
Элимиздинъ тарихиннен бизге Юсупов мырзалардынъ акында аьруьв белгили. Тукым негизин туьзуьвши Ногай Ордасынынъ айтылган мырзасы Юсуп (дурысында Юсуповлардынъ негизи Абубекирден басланган, онынъ ата-бабалары оьз заманларында Египет эм баска эллерде солтанлар, халифлер болганлар. Оларга власть Мухаммад-пайхамбардынъ тувдыклары болганы ман байланыста берилген деп язылган Санкт-Петербургтагы Юсуповлар уьйинде) болганын эндигиси сав дуныя биледи.
(Басы 4-нши номерде) Ол коьнъили коьтерилип мектебке де кетти. Бирге окыйтаган кызлары, тап Солтанат янъы зат кийгендей, ога коьз айырмай карайтаган эдилер. Кыздынъ коьзинде куьлки ойнаганын коьрип, Зайрат та суьйинди. Ама муьйисте олтырган Енсылув ман кыймасы Солтанатка кыйсык карап, бир зат та анъламадылар. Карамады Солтанат Енсылувга, онынъ кыйсык каравына, кызлар ман куьлип дерислерди баслады. Бу...
