Элли йыл бирге яшаган, алтын тойын белгилеген аьдемлер акында эситсем, мен оларга бек сукланаман, суьйинемен. Олар яс заманларда Кудай берген аьлемет сезим – суьйимди сол кадер йыллар саклап келгенлерине, шыдамлыгына, бир-бирин анълавына, бир-бирине тирев болувына куьезленемен. Суьйим кемесинде элли йыл бирге юзедилер Терекли-Мектеб авылынынъ яшавшылары Крымсолтан эм Елетхан Шокаевлер.
Быйылдынъ 22-нши ноябринде РФ Язувшылар союзынынъ агзасы, Карашай-Шеркеш Республикасынынъ халк шаири, журналист, коьшируьвши Фарида Мухамбетовна Сидахметовага (суьвретте) 55 яс толды. Сол мереке алдында биз Фарида Мухамбетовна ман йолыгыстык эм яшав йолы, яратувшылыгы акында кызыксындыратаган соравларымызды бердик.
Янъыларда Кизляр районынынъ китапханаларында «Ак турналар» деген адабиат байрамы белгиленди. Сол байрам согыс майданларында ян берген аьскершилерин эскеруьв ниет пен Дагестан Республикасынынъ Халк шаири Расул Гамзатов пан беркитилген болган.
Оьткен юмадынъ ишинде А-Х.Джанибеков атындагы мектебининъ китапханасында китапхана етекшиси Гульнара Абубекеровна Агаспарова эм ногай тил сабагыннан окытувшысы Зухра Умаровна Мавлимбердиевадынъ уйгынлавы ман 9-10-ншы класслардынъ окувшылары ман окув конференциясы оьткерилди.
Мурат Алибек увылы Авезовка быйыл 2-нши ноябрьде 70 яс толады. Аьзиз досым Муратка яшавда тек ийгиликлер сагынып, узак оьмирди йорап, яратувшылыгында аьли де аспандагы бийиклерге еткенин куьтемен. Мурат Авезов ногай халкымнынъ айтылган, белгили, бармагыннан бал тамган шаирлерининъ бириси болады. Меним ойымда онынъ яратувшылыгы баскалардынъ поэзиясыннан ак сунъкар эсабында айырылып, адабиаттынъ куьни буьгуьн оьсип баратаган сырасын...
Мурат Авезовтынъ ятлавлары ман мен биринши кере, алпысыншы йыллардынъ ортасында болса ярайды, «Шоьллик маягы» газетадынъ бетинде таныскан эдим. Ятлавларды окып, олардынъ авторы неше ясында экенин де билген сонъ, олар кайдай оьнер усталык пан язылганына сейир эткеним бу куьнге дейим эсимде.
Янъыларда Махачкалада Гульшаар Шандаковадынъ, «Юрегимде толкынласкан сезимлер» деп аталып, янъы китаби шыкты. Китапте кыскаяклы-ердесимиздинъ «Оьш», «Ким шуьшли», «Сондай кыска экен яшав», «Ялгызлык» хабарлары ерлестирилген.
Аьскершилик «Данък» орденининъ уьш те дережелерининъ толы иеси Алимхан Боранбаевич Асановка уьстимиздеги йылдынъ 23-нши сентябринде 100 йыл толаяк эди.
Буьгуьн, 23-нши сентябрьде, Ногай районында халкымыздынъ айтылган дав баьтири, Уллы Аталык согысынынъ белсенли катнасувшысы, аьскершилик «Данък» орденининъ уьш те дережесининъ толы иеси Алимхан Боранбай увылы Асанов тувганлы 100 йыллыгы байрам кебинде белгиленеди.
Бизге, куьнбатаршыларга – арамыздан замансыз аргы дуныяга авылдасымыз, белгили халк улымыз, айтылган домбырашы, йырав, артист эм танъ юрекли Алибийдинъ кетип калувы бир уьйкен эм авыр кайгы. Тек не этейик, белки, Кудай ога солай бакты язган болар. Биз ЙОГАРЫДА турганнан куьшли тувылмыз. Кайгырамыз, кайгырамыз. Ондай талаплы аьдемлер аз тувадылар. Ама онынъ халкымызга эткен ийгилиги, онынъ аьдетте...
