Тезден бизим «Шоьл тавысы» газетамыз оьзининъ 90 йыллык мерекесин белгилеек. Меним эсимде, 2001-нши йыл ислемеге келгенде, караша айында газетамыздынъ 70 йыллыгын байрамшыладык. Аьлиги заманда бирге ислеген ясуьйкенлеримди йылувлык пан эсиме аламан – Алев Атабай увылы Алимов, Зари Джумагул увылы Котов, олар буьгуьнлерде арамызда йок болса да, дайымларда бизим янларымызда эстеликли эскеруьвлер болып калганлар. Меним журналист...
Белгили ногай шаири Мурат Авезовтынъ 70 йыллык мерекесине багысланып, янъыларда балалар район китапханасында «Меним яс несилиме» деп аталган ятлав окув конкурсы уйгынлы оьтти. Конкурста А.Джанибеков эм Кадрия атындагы мектеблерининъ 1-8-нши классларынынъ окувшылары катнастылар.
Оьткен юмадынъ ишинде А-Х.Джанибеков атындагы мектебининъ китапханасында китапхана етекшиси Гульнара Абубекеровна Агаспарова эм ногай тил сабагыннан окытувшысы Зухра Умаровна Мавлимбердиевадынъ уйгынлавы ман 9-10-ншы класслардынъ окувшылары ман окув конференциясы оьткерилди.
Ногай районынынъ Терекли-Мектеб авылында Дагестан Республикасынынъ Халк язувшысы Бийке Кулунчаковадынъ мерекели шарасы оьтти.
Мурат Алибек увылы Авезовка быйыл 2-нши ноябрьде 70 яс толады. Аьзиз досым Муратка яшавда тек ийгиликлер сагынып, узак оьмирди йорап, яратувшылыгында аьли де аспандагы бийиклерге еткенин куьтемен. Мурат Авезов ногай халкымнынъ айтылган, белгили, бармагыннан бал тамган шаирлерининъ бириси болады. Меним ойымда онынъ яратувшылыгы баскалардынъ поэзиясыннан ак сунъкар эсабында айырылып, адабиаттынъ куьни буьгуьн оьсип баратаган сырасын...
Оьткен саьрсемби куьн, 20-ншы казан айында, Терекли-Мектеб авылдынъ Кадрия атындагы орта мектебинде халкымыздынъ аьлиги замандагы алдышы поэти, И.Насими атындагы тюрк халклар ара адабиат баргыдынъ иеси, ДР ат казанган саният куллыкшысы Мурат Авезовтынъ 70 йыллыгына багысланып адабиат-анъ шарасы болып озды.
Статистика бойынша пандемия заманында Дагестан Республикасында 2713 аьдем оьлген. Бу санлар бизди тынышсызландырмай болмайды. Ызгы эки юмадынъ ишинде республика бойынша 151 аьдем коронавируслы инфекциясы ман авырыган деп белгиленеди. Буьгуьнлерде биз маразды токтатув акында ойламага керекпиз.
Сонынъ акында 25-нши октябрьде Дагестан Аькимбасы Сергей Меликовтынъ етекшилиги мен оьткерилген республика еринде янъы коронавирус юкпалы маразынынъ таралувына карсылык этуьв бойынша Оперативлик штабынынъ кезексиз йыйынында билдирилген.
28-нши октябрьде Дагестан Республикасынынъ 7-нши шакырувынынъ Халк Йыйынынынъ 4-нши сессиясында депутатлар Дагестан Республикасынынъ Оькиметининъ Председателининъ ис орынына Абдулпатах Амирхановтынъ кандидатурасын беркитуьв акында соравды ойласканлар.
Аьлиги заманда калалар араларында, коьбисинше, аьдемлер автобуслар ман юредилер, неге десе олар тийисли ерге тез эм колай еткередилер. Ама сол автобуслардынъ иелери тийислисинше оьзлерининъ аьрекетлерин этпейдилер, налоглар тоьлемейдилер яде сол аьдем тасув аьрекетин лицензиялар аркалы оьткермейдилер. Олардынъ аьрекетиннен патшалыкка бир келим де келмейди.
