Ерли самоуправление законына коьре, авыл поселениелерининъ администрациясынынъ борышлары айлак коьп. Авыл еринде етекши болув да тынышлардан тувыл, бир уьйкен аьелдинъ баьри маьселелерин де шешпеге керек болады. Ол байрамлар да уйгынламага эм авылына онъайлы яшавды да туьзбеге борышлы.
Уьстимиздеги йылдынъ коькек айынынъ 21-нши куьнинде Россия Федерациясынынъ Президенти Владимир Владимирович Путин РФ Федераллык Йыйыны алдында оьзининъ Язбасы ман шыгып соьйледи.
Янъыларда Махачкаладагы 37-нши номерли гимназияда Дагестан Республикасынынъ Шахматлар федерациясынынъ уйгынлавы ман савлайроссиялык «Ак ладья» шатраш базласларынынъ республикалык кезеги оьтти. Белгиленген базласлар бек ийги аьдет болып калган эм элимизде 50 йылдан бери озгарыладылар.
Янъыларда Дагестан Аькимбасынынъ кесек заманга куллыгын юритуьвши Сергей Меликов регионымызга РФ Экономикалык оьрленуьвининъ министри Максим Решетников ис йорыгы ман келуьвининъ сырагылары бойынша республикадынъ муниципаллык эм патшалык власть органларынынъ етекшилери мен кенъес озгарды.
Туьнегуьн, коькек айынынъ 14-нши куьнинде, Дагестан Республикасынынъ бас каласы Махачкалада ис йорыгы ман Россия Федерациясынынъ Оькиметининъ Председатели Михаил Мишустин етекшилеви астында делегация конакта болды.
Юмадынъ басланувы ман аьдет бойынша озгарылатаган йыйын болып озды. Оны «Ногайский ра- йон» МР администрациясынынъ аькимбасы Мухтарбий Аджеков ашты эм юритти. Ол соьзининъ басында ДР Аькимбасынынъ кесек заманга куллыгын юритуьвши Сергей Меликов пен янъыларда болган йолыгысы, сонда коьтерилген соравлар акында хабарлап кетти. «Ногайский район» МР администрациясынынъ аькимбасы бу йолыгыста районымыздынъ экономикасын коьтеруьв ниет пен яшавга...
Тыпаклык эм тынышлык коьплеген маьселелерди шешпеге, алдынъда турган кыйынлыкларды оьтпеге ярдам этетаган ийги касиетлердинъ биревлери болады. Соны ман байланыслы болып та айтылган болар: «Буьтин болсак, кайдай булыт та кавыфлы тувыл, эм эл де буьлмес эди», – деген соьзлер.
2021-нши йылдынъ кырк кийик айында Россия Федерациясынынъ Халк Йыйыны эм Государстволык Думасына сайлавлар оьтеек. Увыт айында Государстволык Думасынынъ фракцияларынынъ етекшилери мен озгарылган кенъесте Россия Президенти Владимир Путин аьр заман Дума белсен эм йогары кеспили аьрекетлейди деп айтты. Онынъ айтувы ман, Россияда парламент сайлавлар бек керекли, олар миллет проектлердинъ борышларын толтырувга, гражданлардынъ яшавын ийгилендируьвге маьнели боладылар.
Дагестан Республикасында янъыларда «Яс профессионаллар» WorldSkills Russia – 2021 региональли чемпионат тамамланды, ярыс 10 куьн болды, ийги деген катнасувшыларга Махачкала каласында Дослык уьйинде баргылар тапшырылды.
«Ногайский район» МР администрациясы сизди кеспилик байрамы – Россия маданият куллыкшысынынъ куьни мен кутлайды. Сиз халктынъ тарих-маданият асабалыгын саклав, анъ-акыл баалыкларды кайтадан тувдырув, бизим районымыздынъ маданият оьрленуьвин бардырув исине уьйкен уьлис косасынъыз.
