Янъы йыл байрамы келип туры. Аьр кайсымыз келеяткан Янъы йыл кайдай болар экен деп ойланамыз, ол наьсипли эм рахатлы болса экен деп мырат этемиз. Келеяткан йылды тийисли кепте йолыкса, ол уьстинликли болаягына сенетаганлар да аз тувыл. Сога коьре ювыкларга эм оьзине савкат алып, сыпырады кайдай зияпетлер мен толтыраягын ойлап, байрамга аьзирленуьвди басламага заман етти.
Ногай районымыздынъ сыйлы яшавшылары! Ак юректен сизди келеятырган Янъы 2021-нши йыл ман кутлайман!
Ызгы заманларда бир инсанга да ясыртын тувыл пластик карталардан акша урланатаганы. Аьдемлерге зыян келтиреек болсалар, кыянатшылар кайдай йоллар да излестиредилер. Пластик карталардан акша урлайтаганлар уьш туьрли кепте оьз аьрекетлерин этедилер. Олар банкоматларга келген аьдемлер акында, олардынъ карталары акында баьри билдируьвди окыйтаган айырым бир алатлар саладылар. Сол алатлар карталардынъ PIN-кодын язадылар.
Ногай КПРФ РК-нда Владимир Ильич Ленин тувганлы 150 йыл болувына багысланган шаралар озгарыладылар. Соны ман байланыста партиядынъ Ногай районындагы Комитетининъ бюросынынъ агзалары районымыздынъ авылларында яшаган ясуьйкенлерге «В.И. Ленинге 150 йыл» деген мерекели медальлерди тапшырув ниет пен олардынъ уьйлерине барадылар.
Быйыл 17-нши карагыс айында Россия Федерациясынынъ Президенти Владимир Путин онлайн йорыгы ман йыл сайынлык уьйкен пресс-конференциясын оьткерген. Сол куьн Президент элимизде коронавирус маразынынъ таралувы, гражданларга социаллык тоьлевлери, медиклерге кыйын ак косув, баалардынъ оьсуьви, яшавшыларды вакцинация этуьв, социаллык-экономикалык оьрленуьв мен байланыслы эм коьп баска соравларга яваплаган.
Сав дуныямыз бан яйылып баратаган коронавируслы маразы коьплеген аьдемлердинъ оьмирлерин кыскартты. Уьстимиздеги 2020-ншы йылымыз, соны ман байланыслы болып, енъил оьтпейди. Аьр бир аьдемнинъ яшавы бизим элимизге баалы болады. Сога коьре, Россия элинде, сол зарарлы маразга карсы коьлем вакцинация оьткериледи.
Янъы йылдан алдын азык-туьликтинъ баасынынъ оьсуьви аьдет болып калды. Ызгы бир неше йыллардан бери биз сол иске уьйренгендей де болган эдик, ама уьстимиздеги йылда баалардынъ куьшли коьтерилуьви бизди кыйнамай болмады. Сол тынышсызланув коронавируслы юкпалы маразынынъ пандемиясы ман байланыста боьтен де куьшли болды. Бу йылдынъ март-апрель айларында элимиздинъ яшавшылары санавлы куьнлер ишинде туькенлердеги уьндириклерди босаттылар. (Туькен...
22-нши карагыс – Энергетик куьни ____________ Ногай район электросеть коллективи эсли коллективлердинъ бириси эм оьзининъ ийги ис аьдетлери мен белгили. Мунда ясуьйкен куллыкшыларды оьрметлев, ясларды сыйлав, шыдамлы кепте энергетиктинъ кыйынлы исине уьйретуьв, эки несил арасында арка байланысты беркитуьв – энъ бас ис эм аьдемшилик йорыклары болады. Сондай аьруьв аьдетлерди саклавда эм таралтувда организацияда буьгуьнге дейим...
Биз, XXI оьмирдинъ яслары, енъил тувыл заманда яшаймыз. Быйыл боьтен де авыр болып оьтти. Баска йыллардан бу йыл биревге де белгили тувыл маразы кенъ яйылувы ман баскаланады. Сол мараздынъ акында увыт айында айткан заманда, биз ойлап та болмадык, кайдай кыйынлыклар бизге аькелеегин. Бу авырув тек бизим шоьлимиздинъ тувыл, савлай дуныяда яшайтаган аьр бир аьелдинъ капысын...
Бу йылдынъ карагыс айынынъ 14-нши куьнинде муфтий шейхи, Россия Федерациясынынъ мусылманларынынъ дин управлениеси эм Россия муфтийлер советининъ председатели Равиль Гайнутдин Рашид Акказиевти Сырт-Кавказ федераллык округы бойынша Россия Федерациясынынъ мусылманларынынъ дин управлениесининъ председателининъ толы ыхтыярлы ваькили болувы ман кутлады.
