Хатынлар бактылары. Олардынъ кайбирисининъ акында китап язбага болады. Бир-бирисиннен баскаланса да, сол бактылардынъ бир ортаклыгы бар – кыскаяклылардынъ наьсиби. Кашан да, наьсипти биз, хатынлар, туьрли этип коьремиз, биревлер наьсибин – суьйикли исинде, баскалар аьелинде табадылар. Меним хабарым да кыскаяклы акында. Салият Биарслан кызы Трунова наьсипли хатынлардынъ бириси деп ойлайман мен. Коьплеген йыллар катнаймыз, мен онынъ...

Тезден Россия Федерациясынынъ баьри мектеблери де эсиклерин кенъ ашып, оьз окувшыларын, олар ман бирге биринши кере мектеб эсигин ашатаганларды да хош коьрип алады.

Кайсы яс аьдем – мен келеекте ким боларман, сайлаган кеспим мен аьрекетимди бардырарман ма яде болса, мен кайтип кеспим бойынша оьсер экенмен, – деген ойлар ман йолыгыспай болмайды. Мектебти кутарган аьдем янына якын кеспиди сайлайды, сол кеспидинъ сырларына да уьйренмеге болады, ама солардынъ коьбиси келеектегиси акында терен ойланып карамайды, деген ой мага келеди, неге десе...

Муса Курманали увылы Курманалиев (1894-1970 йыллар) эм Зеид Абдул-Халил увылы Кайбалиев (1898-1979 йыллар) – ногай халкымыздынъ ярыкландырувшылары, ямагат аьрекетшилери, халк окытувшылары, ана тилинде баслапкы совет окув китаплерин, ногай мектеблери уьшин программалар эм пособиелер туьзуьвшилери боладылар.

Яслык – ол аьр бир аьдемнинъ энъ ярасык шагы болады. Аьдем оьзининъ яс шагында яшав йолын, яны ман суьйген кесписин сайлайды. Яслык эм мырат бир-бириси мен байланып, аьдемнинъ алдына салган мырадын яшавга айландырып келеди. Яслар – ол бизим келеектегимиз. Ногай халкымызда етимисли, тек алдыга ымтылган, оларга келеектегимизди сенмеге болаяк ясларымыздынъ саны аз тувыл.

Аьдемнинъ тувган куьни. Бир аьлемет байрам деп саналады сол куьн. Йылдан-йылга бу куьнлер инсанга сулып, акыл аькеледилер. Сонъында, яшавымыздынъ уьйкен кезегин оьткен сонъ, биз артымызга бурылып караймыз. Кайбиримиздинъ яшавга шыгарылмаган ниетлери де бар, ама сол озган йыллар инсанларга кайдай коьп наьсипли, куванышлы куьнлер савкатлаганына коьп затлар шайыт болады.

Яй айлары йылысып барады, тек янъыларда элимиздинъ мектеблерин тамамлаган ясларымыз, кызларымыз тезден йогары окув ошакларынынъ эсиклерин ашпага аьзирлик коьредилер. Сол яслардынъ бириси – Зарина Рашид кызы Юнусова.

Дагестан Республикасынынъ кесек заманга куллыгын юритуьвши Сергей Меликовтынъ Оькимет сынавларында 100 балл алган выпускниклерге акшалай баргы берилуьв акында карары тек окувшылар эм окытувшылар сырасында тувыл, коьп баскалардынъ да эсин каратты деп, «Ногайский район» МР администрациясынынъ билимлендируьв боьлигининъ етекшиси, РФ ат казанган ярыкландырув эм тербиялав куллыкшысы Алтын Агаспарова белгилейди:

Янъыларда Дагестан Республикасынынъ Аькимбасынынъ кесек заманга куллыгын юритуьвши Сергей Меликов ЕГЭ сынавларын оьтуьвде 100 балл алган выпускниклер мен, солай ок савлайроссиялык олимпиадаларынынъ енъуьвшилери мен йолыгыс озгарды. Онлайн кебинде болган йолыгыста Сергей Меликов бу выпускниклерге эм олардынъ окытувшыларына акшалай баргы берилеегин айтты.

Оьткен юма сонъгы куьн Ногай районында ис борышын толтырув ниет пен Дагестан Республикасынынъ Билимлендируьв министерствосынынъ етекшиси Яхья Гамидович Бучаев болып кетти.