Федерация субъектлеринде газ тармаклары салынган хыйлы авыллар бар, ама солардагы бирер яшавшылардынъ уьйлерине аьли де газ еткерилмеген. Соны эсапка алып, газ еткеруьв программасы гражданлардынъ ер участокларынынъ япсарларына дейим газды тегин кепте тартпага амал береди. Сол себептен газетамыздынъ хабаршысы ООО «Газпром межрегионгаз Дагестан» Ногай районынынъ ЭГС начальниги Шамиль Акбулатовтан бир неше соравларга яваплар алган.
Махачкаладагы билимлерди арттырув институтында аьр йыл сайын увыт айында ана тил куьнине багысланып, шаралар озгарыладылар. Бу йыл да мунда авыр аьллер мен байланыслы болып онлайн кебинде ана тилинде Дагестан авторларынынъ асарларын ийги этип окувга багысланган республика бойынша ярысы оьтти.
Уфа каласында Дагестан Республикасынынъ информация эм баспа министрининъ кесек заманга куллыгын юритуьвши Умаросман Гаджиев Башкортостан Республикасынынъ баспа эм коьлем информация амаллары бойынша агентствосынынъ етекшиси Максим Ульчев пен йолыгыскан.
Дагестан Республикасынынъ Халк Йыйынынынъ председатели Заур Аскендеров Россия Президенти мен ДНР эм ЛНР республикаларынынъ бойсынмаслыгын кабыл эткени мен байланыста оьз ойын айтты.
Эртеректе билдирилгенлей, Дагестан Аькимбасы Сергей Меликов оьткен юма ДР Оькиметининъ Председатели Абдулпатах Амирхановтынъ оьз ыхтыяры ман куллыгыннан таювын кабыл эткен эм онынъ исин кесек заманга юритуьв борышын Абдулмуслим Абдулмуслимовка тапшырган. Сол куьн ок ол Дагестан Оькиметининъ Председателининъ ис орынына Абдулмуслимовтынъ кандидатурасын ойласып каранъыз деп ДР Халк Йыйынына маслагат эткен. Соны ман байланыста газетамыздынъ эксперти Магомет-Али...
Дагестан Аькимбасы Сергей Меликов Дагестан Республикасынынъ Халк Йыйынына республикадынъ Оькиметининъ Председателининъ ис орынына Абдулмуслим Абдулмуслимовтынъ кандидатурасын ойласып каранъыз деп коьрсеткен.
РФ Президенти Россия яшавшыларына каратылган шакырувында Донбасста айырым аьскершилик операциясын оьткеруьв акында карар алганы акында билдирген.
21-нши февральде РФ Президенти Владимир Путин Украинада ызгы заманларда туьзилген аьллер мен байланыста Россия халкына каратылган шакырувы ман (шакырувдынъ толы текстин 4 – 6-ншы бетлерде окынъыз) шыгып соьйлеген. Сонынъ сырагысында ол сол ок куьн РФ Кавыфсызлык Советининъ йыйынында айткан соьзине берк болып, Луганск эм Донецк Республикаларынынъ бойсынмаслыгын кабыл эткен.
Ногай районынынъ баьри яшавшыларын, Россиядынъ Савытлы Куьшлерининъ ветеранларын эм куллыкшыларын Аталыкты коршалавшысынынъ куьни мен ак юректен исси кутлайман!
Яс аьдемлердинъ яшавында Аталыкты коршалав заманы келеди, бу киели борышты ясларымыз элимиздинъ туьрли муьйислеринде йигитлик пен, эрклик пен толтырадылар. Бир йылдынъ ишинде яслар коьп затларга уьйренедилер, тек туьнегуьнлерде мектебти биткен балалар эр кисилер боладылар.
