Юмадынъ басланувы ман аьдет бойынша озгарылатаган йыйын болып озды. Оны «Ногайский ра- йон» МР администрациясынынъ аькимбасы Мухтарбий Аджеков ашты эм юритти. Ол соьзининъ басында ДР Аькимбасынынъ кесек заманга куллыгын юритуьвши Сергей Меликов пен янъыларда болган йолыгысы, сонда коьтерилген соравлар акында хабарлап кетти. «Ногайский район» МР администрациясынынъ аькимбасы бу йолыгыста районымыздынъ экономикасын коьтеруьв ниет пен яшавга...
Уьстимиздеги йылдынъ коькек айынынъ 12-нши куьнинде Оьз ыхтыярлык ойларын оьрлендируьв орталыгында Совет Союзынынъ Баьтири, космонавт Муса Манаров Дагестаннынъ яслары ман йолыгысты.
Бир аьдемлердинъ яшавлары, актарылып аккан йылгадай болып, халктынъ эсин карататаган оьзгерислерге бай болып оьтеди. Баска биревлердинъ яшавы толы сувларын коьзге илинер-илинмес агымы ман тегисликте алып барган терен йылгага усайды.
Ден савлыгында кемшилиги бар эм ясуьйкен гражданларды карайтаган аьдемлерге берилетаган акшады алув эм туьзетуьв йорыкларында туьрленислер болганлар. Сол туьрленислер, Россия Федерациясынынъ Оькиметининъ 2021-нши йылдынъ увыт айынынъ 27-нши куьнинде кабыл этилинип алынган, 278-нши номерли токтасына коьре, киритилгенлер. Бу йогарыда белгиленген акша ден савлыгында кемшилиги бар, биринши куьп сакатларды, ясуьйкенлерди (80 ясына толган), баска ис аьрекети йок,...
Россия Федерациясы бойынша йолда болатаган кавыфлыклардынъ статистикасына караганда, уьйкен аьдемлердей болып, балалар да йол-юрис йорыклары бузылувда куьнали болып шыгадылар. Боьтен де, балалар кыйынлы аьллерге тыншаюв куьнлерде каладылар, неге десе олар, сол шакларда оьзи-оьзлерининъ каьрлерин шегип, ата-аналары куллыкта болган заманларда, юредилер.
Янъыларда Москва каласында окыйтаган студентлер Архангельское музей- усадьбасында конакта болып кеттилер. Язув булаклары бойынша Архангельское усадьбасы Иван Грозный заманларыннан алып белгили. Коьп йыллар бойы Россия Империясынынъ бай тукымларынынъ бириси онынъ иелери болып келгенлер.
Янъыларда Нефтекум районынынъ Каясула авылында 2021-нши йылдынъ навруз айынынъ 19-ншы куьнинде Халклар ара ана тилининъ куьнине багысланган йогары класс окувшыларынынъ катнасувы ман «Билимли бол» деген ойыны уйгынланып оьтти. Ставрополь крайынынъ регионаллык ногай миллет-маданият автономиясы эм Нефтекум кала округы бойынша администрациясындагы Билимлендируьв боьлигининъ демевлиги мен Каясула авыл орта мектебининъ окытувшылары эм окувшылары ойын уйгынлавшылары болдылар. Sandyk.biz....
Юлдызы соьнип, дуныядан аьдем кешсе, оны таныганларга бек авыр болады, онынъ ювык аьдемлери болса, яшавынынъ ызгы куьнине дейим толтырылмас йойымы ман байланыслы кайгыды юрегинде саклайдылар. Сраждиннинъ аьзиз карындасы, меним кардашым Вайдат бу куьнге дейим де аявлап саклайды аданасынынъ эстелигин. Ол оьзининъ эрине, бес кызына, тоьгеректеги баьри ювыкларына ялгыз аданасы Сраждинди кайтип суьйгенин билдирип, сездирип келеди....
2021-нши йылдынъ 19-ншы сентябринде тавыс беруьв куьнинде РФ Федераллык Йыйынынынъ Оькимет Думасына, Дагестан Республикасынынъ Халк Йыйынына сайлавлар озгарылаяк ДР-нынъ «Ногайский район» МР еринде оьтеек сайлавларга аьзирлик коьруьвге эм оларды озгарувга себеплик этуьв уьшин тоьмендеги сырасы ман оперативли штаб туьзилген:
Космонавтика куьни Россиядагындай болып, 12-нши апрельде дуныядынъ 75 элинде белгиленеди. Уьстимиздеги 2021-нши йыл космоска аьдемнинъ биринши ушувына 60 йыл толады. 1961-нши йылдынъ 12-нши апрелинде Юрий Алексеевич Гагарин энъ де биринши болып космоска ушкан, сол аьдемликтинъ тарихинде энъ де маьнели оьзгерис болып калган. Аьдемнинъ космоска биринши ушувы савлай дуныядынъ эсин караткан.
