Дагестаннынъ туьрли льготалар ман пайдаланатаган яшавшылары оьз уьйлерине газды тегин тартпага болаяклар. Социаллык газификация программасында катнасатаган ветеранларга, сакатлыгы барларга, коьп балалы аьеллерге, ялгыз яшайтаган пенсионерлерге газ оборудованиесин алув эм ер ишиндеги участогында газ сетьлерин курув уьшин финанс ягыннан коьмек этилинеек.
Оьткен юмадынъ ызындагы ис куьнинде Ногай районымыздынъ администрациясынынъ меканында Махачкала каласынынъ районлар ара табиатты коршалав прокуроры Максим Макашов пан Ногай район прокуроры Аскербий Дильманбетов биргелес йолыгыс озгарды. Олай дегенимиз, бу эки власть ваькиллери келген аьдемлерди кабыл этип, олардынъ берген соравларына яваплар бердилер.
Дагестан Республикасынынъ аьскершилик комиссариаты регион яшавшыларына быйылдынъ 21-нши сентябринде Россия Президентининъ Указына коьре мобилизация йорыгы ман шакыртылып кеткен гражданларга хатлар йиберуьв уьшин ортак бир адрес ашылганы акында билдиреди. Эндигиси сиз хатларды, 2 килограммга дейим шеккиси болган бандерольлерди, 10 килограммга дейим посылкаларды «Россия Почтасы» аркасы ман 103400, Москва-400 деген адрес пен аьскерши куллык этетаган аьскер боьлигининъ...
Совет эм россия публицисти, педагог эм философ Симон Соловейчиктинъ аты кенъ белгили педагогикалык журналистика тармагында. Солардынъ бирисинде ол сыйлы кеспи – окытувшы акында булай язады: «Ол – артист, тек онынъ тынълавшылары эм каравшылары карс какпайдылар. Ол – скульптор, тек оны бирев де коьрмейди. Ол – врач, тек пациентлер ога эмлегени уьшин разылыкларын сийрек айтадылар эм...
Меним буьгуьнги хабарым Ногай районынынъ Кумлы авылыннан «Аиша» деген эгинши-фермерлик хозяйствосы (иеси болган Нурлубаевлердинъ аьели) акында. Олардынъ хозяйствосы авылдан бир ети-сегиз шакырым ерде орынласкан. Бу куллыксуьер аьели Кумлы авылында 25 йыллардан артык яшайды. Аьелдинъ басы предприниматель Курманбай ман конаксуьер Саидады мунда баьриси де таныйдылар эм сыйлайдылар.
Уьстимиздеги йылдынъ карагыс айынынъ 9-ншы куьнинде, «Ногайский район» МР администрациясында аьр бир авыл еринде аьрекетин бардыратаган ВУС (военно-учетный стол) начальниклери мен Тарумов эм Ногай районлары бойынша военный комиссары А.Мельников йолыгыс озгарды. Болып озган шарада келген конаклардан баска болып, «Ногайский район» МР администрациясынынъ аькимбасы Джамалутдин Эсиргепов, онынъ кавыфсызлык бойынша орынбасары Баймагомед Ярлыкапов эм Ногай районы бойынша...
2023-нши йылдынъ канътар айынынъ биринши куьниннен алып Россияда, балаларга эм шаркы авыр хатынларга тоьлев берилип басланаяк. Сонынъ акында «Шоьл тавысы» газетасынынъ куллыкшысына Ногай районы бойынша РФ Пенсионлык фондынынъ етекшиси Мадина Абдулалимова билдиреди.
Терекли-Мектеб авылынынъ А-Х.Джанибеков атындагы мектебининъ 5-нши классынынъ окувшысы Алан Тулумбаев сочинение язган, ол оьзининъ авылдасы, Батыр-Мурза авылында тувган Даниял Шандиевке соьзин каратады. Даниял аьлиги заманда Украина еринде оьтип турган специальли согыс операциясында катнасады. Ол язады: «Мен бу хатты Даниял Шандиевке язаман. Украина еринде спецоперация басланганда, ол оьз Аталыгын коршаламага кеткен. Даниял Шандиев – батальон командири,...
Буьгуьнлерде савлай Россия бойынша «Аьскершиге хат» деген акция оьтеди. Специальли согыс операциясында катнасатаган аьскершилер элимиздинъ туьрли муьйислериннен келип турган хатларды суьйинип окыйдылар, неге десе олар ийгиликтинъ элшилери боладылар. Кашан да, бизим аьскершилеримизге кыйынлы, сога коьре каты согысувлардан сонъ, тыныклыкта сенимликтинъ, ийгиликтинъ сыдыраларын окымага оларга бек куванышлы. Кайсы ерден келсе де, хат тувган ерининъ йылувлыгын аькеледи....
