Элимиздинъ бас каласы Москвада шыгатаган аьр юмалык «Литературная Россия» газетасы 16-ншы ноябрьдеги номеринде «Многоликая муза России» деп аталган рубрикасы астында белгили ногай шаири, Дагестан халк поэти Анварбек Култаевтинъ орыс тилине коьширилген бир неше ятлавларын баспалаган. Сонда шаирдинъ кыска биографиясы эм суьврети де ерлестирилген.
Ана тилин таралтув ниет пен районымыздынъ билимлендируьв, маданият учреждениелеринде, китапханаларында коьплеген шаралар озгарылады. Солардынъ коьбисин «Дослар-ТВ» телевидение уйгынлаган. Соьйтип, янъыларда районымыздынъ мектеблерининъ окувшыларынынъ катнасувы ман «Эртегилер» деп аталып, сынас озгарылды. Проектте 10 мектеблер катнастылар, олар ногай язувшыларымыздынъ шыгармалары бойынша коьрсетуьвлер аьзирледилер.
Ногай район орталыгы Терекли-Мектеб авылдынъ Гамзат Аджигельдиев атындагы орамы районымыздынъ энъ уьйкен мектеби – Абдул-Хамид Джанибеков атындагы мектебине ювык орынласкан. Сол себептен бу орам ман эртен, туьсте эм кеште окувшы балалар уьйлериннен мектебке келедилер эм кайтадылар.
Россия Баспа куьни быйыл уллы юма куьн, 13-нши январьде, белгиленеди. Патшалыгымыздынъ тарихи, илми эм техника етисуьвлери, билимлендируьв эм келеектеги проектлер акында биз китаплерден билемиз, а баска яркын баспа шыгармалары (газеталар эм журналлар) бизим куьндегилик яшавымызга кенъ кирген. Буьгуьнде, Интернет-шыгармалар болса да, баспа шыгармалар ман кызыксынатаганлар саны кемимейди.
2022-нши йыл бизи мен аманласып, буьгуьнлерде янъы 2023-нши йылымыз яшавымызга аягын басып туры. Соны ман байланыста газетамыздынъ оьз хабаршысы Ногай район аькимбасы Джамалутдин Эсиргепов пан йолыгысып, оьткен йылдынъ маьнели ис сырагылары акында бир неше соравларга яваплар алган.
Аьр йыл наьсипли тамамланады – Янъыйыллык байрам ман. Сол – белгили аьвелги байрамлардынъ бириси. Онынъ тарихи 2500 йыллар кадеринде эсапланады.
Куьнтувар гороскоп бойынша келеяткан 2023-нши йыл кара сувлы тавшаннынъ (Мысыктынъ) белгиси астында оьтеек. Бу астрологиялык ие ызгы кере бизге 60 йылдынъ артында, узак 1963-нши йыл келген. Сол йыл коьп эллер уьшин бек ийги болган, патшалыклар ара катнаслар йылы болып баслаган, тынышлык келисуьвлер туьзилген. Сога коьре, келеяткан Янъы йылдан да эллер ара эмишликти эм татымлыкты баьри...
Элимизде биринши кере Энергетик куьни 1920-ншы йылдагы VIII Савлайроссиялык Советлер курултайында ГОЭЛРО планы кабыл этилинуьви акында эстелик эсабында 1966-ншы йылдынъ 23-нши майындагы СССР Оьр Советининъ Президиумынынъ Указы ман беркитилген. Сол куьнди 22-нши декабрь куьни деп 1980-нши йылдынъ 1-нши октябриндеги «Байрам эм эстеликли куьнлер акында» деген СССР Оьр Советининъ Президиумынынъ Указы бойынша токтастырганлар.
Аьр йылда да 27-нши декабрьде Россия Президентининъ Указына коьре (26.12.1995 й., №1306) РФ Куткарувшысынынъ куьни белгиленеди. 1990-ншы йылдынъ 27-нши декабринде РСФСР Министрлер Советининъ токтасы ман Россия Куткарувшыларынынъ корпусы (сонъында МЧС деп аталып) туьзилген. Сол токтас кабыл этилуьв куьни россия куткарувшыларынынъ кеспи куьни деп саналады.
Кайсы заманларда да куткарувшыдынъ иси сыйлы, соны ман бирге кавыфлы болган. Бу кеспиди сайлаганлар тек куьш-куватлы эм коркынышсыз болып калмай, конъысы уьшин яны авырып билген аьдемлер боладылар. Олар аьр дайым да тек кеспи борышын толтырып тувыл, юрек шакырувы ман ярдамга асыгадылар. Ногай районынынъ Терекли-Мектебтеги «Центр ГО и ЧС» ДР-нынъ ГКУ 49-ншы номерли туьскен от пан...
