Аталыкты коршалавшылар куьнининъ алдында Ногай район администрациясынынъ ваькиллери, Яшавшыларды ис пен канагатлав эм Яшавшыларды социаллык яктан коршалав боьликлерининъ куллыкшылары ман бирге согыс спецоперациясынынъ борышларын толтыраятып ян берген аьскершилердинъ аьеллерине бардылар.
Аталыкты коршалавшы куьни алдында Ногай районында орынласкан аьскер боьлигининъ куллыкшыларын байрам ман кутлав ийги аьдетке кирген. Быйыл да аьскер боьлигине район администрациясынынъ ваькиллери бардылар. Шатлыклы шарада конаклар «Ногайский район» МР администрациясынынъ аькимбасынынъ орынбасары Баймагомед Ярлыкапов, Афган согысынынъ катнасувшысы Мурат Мамутов, Ногай район Хатын-кызлар советининъ председатели Асият Манкаева, Терекли Мектеб авыл администрациясынынъ специалисти Марина Мурзагишиева катнастылар.
Мен Терекли-Мектеб авылынынъ Кадрия атындагы орта мектебте 2-нши класста окыйман. Мен сизге оьзимнинъ акамнынъ акында хабарламага суьемен. Алимхан Моллаболганов Терекли-Мектеб авылында 1995-нши йылда тувган. 2013-нши йыл А.Джанибеков атындагы мектебти битирген. Ол Астрахань каласында кеспили технологиялар колледжин кутарды эм Санкт-Петербургта Михайловский артиллерия академиясына туьскен. Ол лейтенант званиесинде академияды битирип, Свердловск областининъ Камышловский районынынъ Порошино поселогына куллык...
Ногай районымыздан Чернобыль атомлы электростанциясында болып оьткен баьле-казадынъ сырагысында элимизди ядерли явдан саклаган ердеслеримиз арасында Батыр-Мурза авылдан Русланбий Абдулганий увылы Дильманбетов та бар. Сол заман ол тек 23 ясында эди. Буьгуьнлерде бу йигит ердесимизге, йигерли армия ветеранына тувганлы 60 йыл толады.
Украина еринде специальли согыс операциясынынъ басланувы акында Россия Федерациясынынъ Президенти Владимир Путин билдиргеннен алып, бу куьнлерде бир йылга ювык заманлар кетедилер.
Оьткен йыл куьзде Ногай районыннан мобилизацияга шакыртылган бириншилердинъ сырасында Червленные Буруны авыл яшавшысы Тимур Сабутов бар эди. Буьгуьнлерде ол, оьзининъ коьп согыс йолдасларындай болып, олар ман бирге алды сырада тувган элининъ тынышлыгын эм бойсынмаслыгын коршалайды.
Аталыкты саклавшылар куьни алдында Россия Президенти Владимир Путин, Россия Федерациясынынъ Оькиметининъ агзаларына, Федераллык Йыйынына эм Государстволык Думасына, дин ваькиллерине, Донбассты коршалав бойынша согыс спецоперация катнасувшыларына каратылган Язбасы ман шыгып соьйледи. Элимиз етекшисининъ бу соьйлеви Россия уьшин энъ маьнели политикалык оьзгериси деп айтпага болады. Онда ол Россия элимиз алдында турган маьселелер акында оьз ойларын билдирди эм...
2023-нши йыл Расул Гамзатовтынъ йылы деп белгиленген. Быйыл биз Россиядынъ эм Дагестаннынъ уллы увылы, шаирлик патриархынынъ юзйыллыгын карсы алаякпыз. Терекли-Мектеб авылынынъ орта китапханасында Расул Гамзатовтынъ йылынынъ ашылувы шатлыклы оьтти. Шарада яратувшылык интеллигенциясынынъ, район учреждениелерининъ эм организацияларынынъ ваькиллери катнастылар. Йыйылганлардынъ арасында Терекли-Мектеб авылынынъ ясуьйкени Зубаир Аджибаев, «Ногайский район» МР аькимбасынынъ орынбасары Баймагомед Ярлыкапов, ерли уьлке танув...
Дагестан Республикасынынъ Оькиметининъ Председатели Абдулмуслим Абдулмуслимов ДР Халк Йыйыны алдында эсап беруьв докладында регионымыздынъ баьри тармаклары ман байланыслы соравларды коьтерди.
Ногай районында орман еринде от туьсуьв белгилерине карсы не этпеге эм кайдай тактикады кулланмага кереги бойынша уьйренуьв шаралар оьттилер. Онынъ акында Ногай орманлык хозяйствосынынъ етекшиси Феруза Дикинова билдирди. Онынъ соьзлери мен, оьткен саьли куьн, 28-нши февральде, Ногай район еринде район орманлык хозяйствосы Терекли-Мектеб авылынынъ от туьсуьвге карсы 49-ншы боьлиги Южно-Сухокумск, Тарумовка, Ногай районларынынъ ОНД ман...
