Астрахань областининъ Растопуловка авылынынъ сыйлы яшавшысы Базира Капаровна Акмамбетова бу куьнлерде оьз мерекесин белгилейди. Ол – белсен яшав ой-карасы бар, яратувшылык аьрекети мен каьрлевши аьдем. Алдын ол муниципаллык маданият учреждение директоры, яратувшылык ягыннан йогары бийикликлерге етискен, суьйикли ногай яратувшылык коллективи болган «Дослык» ансамблин етекшилеген. Буьгуьнде Базира Капаровна ерли сакатлар советининъ председатели болып, «Баракъат» ямагатын етекшилейди.
Янъыларда, 3-нши августта, ЛНР Аькимбасы Леонид Пасечник Шешен Республикасынынъ аькимбасы Рамзан Кадыровка ЛНР Баьтирининъ медалин тапшырды. Бу шатлыклы шара Грозный каласында озгарылды. Онда Л.Пасечник Чечня яшавшыларына украин нацистлерине карсы турувда эткен ярдамлары уьшин оьз разылыгын билдирди. «Ортак куьш салувы ман ЛНР ери явлардан босатылган, яшавшыларынынъ баьриси де «Ахмат» аьскерлик куьплериндеги аьскершилер ким экенлерин биледилер», –...
Конъысы Тарумов ра- йонынынъ авыллар ара орталык китапханасында, белгили Дагестан язувшысы Фазу Алиевадынъ 90 йыллыгына багысланып, «Мине, кызым… Эрге шыгасынъ!» деп аталып, «Тарумовка районы» МР-нынъ Хатын-кызлар советининъ баславы ман тоьгерек стол озгарылды. Онынъ исинде туьрли кеспили, туьрли миллетли, туьрли йылларда аьел курып, яшав оьмирин бардыратаган кыскаяклылар ортакшылык эттилер.
Дагестаннынъ Бабаюрт районындагы кишкей Геметоьбе авылынынъ яшавшысы Альберт Ханбулат увылы Батыргазиев Япониядынъ бас каласы Токиодагы 2021-нши йыл тамбыз айынынъ 5-нши куьнинде яй Олимпиадасында 57 килограмм болган шеккиде бокстан Олимпиадалык чемпионы болды. Онынъ сосы спорт данъкы тек ногайлар, бизим Дагестан тувыл, савлай Россиядынъ сыйын оьрге коьтерди. Онынъ тукымы дуныя баспасында айтылды эм оны савлай Ер шары...
Аьр йыл сайын биз календарь бойынша физкультурник куьнин белгилеймиз. Йыл сайын да газетамыздынъ бетлеринде сол куьнге рас барып, тийислилердинъ тийислисин, оьзине тапшырылган ис аьрекетти намыслы толтыратаган аьдем акында язбага шалысамыз. Меним алдымда, ис борышларыма коьре, бу йыл да сол сорав турды. Оьзек те, ойланмага туьсти, авыл мектеблерининъ етекшилериннен сорастырмага, баскалай да физкультура дерисин беретаган окытувшылардынъ...
Ногай районынынъ алдынгы етекшиси, аьлиги заманда Дагестан Респуб- ликасынынъ Авыл хозяйство эм тамак-азык министри Мухтарбий Аджеков пан ол аьли де «Бозторгай» эгинши-фермер хозяйствосынынъ басшысы заманында районда эм республикада бириншилерден болып мал союв эм эт асыллавшы цехин курып баслаганда коьрисуьвим эсимде ийги сакланган. 2014-нши йылдынъ яз куьнлерининъ бириси эди. Биз редакция автокоьлиги мен Терекли-Мектеб авылдынъ кубыласында...
Азык-туьлик кавыфсызлыгы кайсы бир патшалыктынъ да миллет кавыфсызлыгынынъ бас кесегининъ бириси деп саналады. Азык-туьлик кавыфсызлыгынынъ бас ниети – элимиздинъ яшавшыларын сапатлы эм сенимли ший мал эм тамак азыгы ман иркуьвсиз канагатлав. Сонынъ бас борышларынынъ бириси деп аталык азык-туьликтинъ негизли туьрлилерин ислеп шыгарувды токтавсыз оьрлентип барув болады эм солар сол ок заманда элимиздинъ азык-туьлик бойсынмаслыгын канагатлав...
Бу юмадынъ басында Дагестан Республикасынынъ Аькимбасы Сергей Меликовтынъ етекшилеви астында тыс себеплерди эсапка алув ман регионнынъ экономикасын оьрлендируьв бойынша Оперативли штаб оьтти.
Россия Президенти Владимир Владимирович Путин РФ Федераллык Йыйынына каратылган Язбасында, 2021-нши йылдынъ коькек айында Оькимет алдына, регионлар басшылары ман биргелесте, аьдемлер яшайтаган ерлердинъ догазификация планын туьзбеге борыш салды.
Уьстимиздеги йылдынъ август айынынъ 13-14-нши куьн- леринде Дагестан Республикасынынъ Ногай районы савлай дуныя бойынша шашырап яшайтаган ногай халкынынъ атаклы спортсменлерин йолыгады. Бу куьн биз оьз миллетимиздинъ энъ де куватлы палванларын коьрмеге амалымыз бар.
