Аьел, суьйим эм алаллык куьнине багысланып, Терекли-Мектеб авылында орынласкан Тахо-Годи атындагы уьлке танув музейининъ филиалында шара озгарылды. Шара музей, ЗАГС, КЦСОН, район орталык китапхана куллыкшылары ман, Хатын-кызлар совети мен уйгынланган.
Россияда йыл сайын 8-нши июльде танъ байрам – Аьел, суьйим эм алаллык куьни белгиленеди. Биринши кере бу байрам элимизде, Аьел йылы деп билдирилип, 2008-нши йыл байрамшыланган. Быйыл болса ол Россия Президенти Владимир Путин 2022-нши йылдынъ 28-нши июнинде кол баскан Указына коьре, официаллык статусын алган. Уьстимиздеги йылдан алып Аьел, суьйим эм алаллык куьнин яшавшылар официаллык аьлде...
Быйыл, 7-нши июльде, Астрахань каласыннан йолын баслаган халклар ара авторалли катнасувшыларын соннан 3 куьннен сонъ, 10-ншы июльде, оьз тарихинде биринши кере Дагестаннынъ Ногай эм конъысы районлар яшавшылары йылы йолыктылар. Бу уьйкен маьнели спорт шарасы Россия Президентининъ, РФ Оькиметининъ эм РФ ман ДР спорт министерстволарынынъ аркасы ман оьткериледи.
Россия Федерациясынынъ Савытлы куьшлери контракт бойынша аьскер сырасында куллык этуьвге запастагы гражданлар арасыннан айырув оьткереди.
Ведомстводынъ пресс-службасынынь белгилеви мен, Ногай район прокуратурасынынъ токтасына коьре, ерли администрация сакат кыз окыйтаган М. Курманалиев атындагы Куьнбатар авыл орта мектебин пандус пан канагатлады. Прокурор тергевлерининъ тамамында окув меканына кируьв ерде алынып салынатаган эм коралавы болмаган пандус ГОСТ талаплавларына келиссиз, деп токтастырылган эди. Мектеб етекшисине 9.13 РФ КоАП статьясы бойынша (сакатларга социаллык объектлери тармакларына етисуьвде...
КЧР-дынъ бас каласы Черкесскте республикадынъ сыйлы окытувшысы, Россия Язувшылар союзынынъ агзасы Насипхан Дауловадынъ «Олар Аталыкты саклаганлар» деген китабининъ презентациясы озды. Онда Карашай-Шеркеш Республикасында атлары белгили болып, яратувшылык аьрекети мен каьрлевши коьп аьдемлер катнастылар: олар – РФ Язувшылар эм Журналистлер союзларынынъ агзалары, илми аьрекетшилери, республикадынъ туьрли баспа шыгармаларынынъ етекшилери, коьлем информациялар амалларынынъ ваькиллери, айтпага, Асхад Карасов,...
Янъы Уренгой каласындагы 3-нши от туьсуьвден куткарув бойынша куьбининь етекшисининъ орынбасары, ишки служба подполковниги Амирхан Мытыевке Ямал Ненец автоном округы бойынша губернатор Дмитрий Артюхов губернаторыннан «Йигитлик эм йигерлик уьшин» медалин оьзи шатлыклы аьлде тапшырды. Бу ис орынында Амирхан Сулейманович 2001-нши йылдан алып куллык этеди. Оьз аьрекетин ол Ямал Ненец автоном областининъ Коротчаево каласында баслаган.
Яшав оьмирининъ 73-нши йылында узак авырувдан сонъ дуныядан кешти ДР ат казанган артисти, композитор, йырлавшы, «Дагестаннынъ яны» баргысынынъ лауреаты, «Айланай» патшалык фольклор-этнографиялык ансамблининъ алдынгы художестволык етекшиси Умар Давленович Ваисов.
Белгили ногай шаири, КЧР Халк язувшысы Суюн Имамалиевич Капаев мен бала заманда Караногайга уьйкен язувшылар куьби мен келип, авылларда йолыгыс этип кеткени эсимде.
Ногай район орталык китапхана тармагынынъ куллыкшыларында бир ийги аьдет бар. Олай дегеним, китапхана куллыкшылары аьр йыл басланаяк шагында оьзлерине календарь туьзедилер, бу ерде де анълатып озайым, басланаяк йылда кайсы шаирлер эм язувшылар тувганларын белгилейдилер (мунда орта оьмирлерде яшаган эм язган аьдемлер, уллы классиклер эм аьли бизим янларымызда, араларымызда яшайтаганлар да киредилер).
