Шарада орталык юристи эм аьел мен куллык этуьв бойынша специалистлер катнасканлар, 12 аьдем оьз соравлары ман келдилер. Оьткир соравлардынъ ишинде балалардынъ ден савлыгын беркитуьв, авырыйтаган балаларды санаторлык- курорт эмлеви, коьп балалы аьеллерди социаллык яктан аьжетсизлев соравлары каралды. Келгенлер оьз соравларына толы яваплар алдылар. 

Бу куьн мен байланыслы шаралар А.Ш.Джанибеков атындагы, Кадрия атындагы, Орта-Тоьбе авыл мектеблерде 5-9-ншы классларда озды. А.Ш.Джанибеков атындагы мектебтинъ 5-нши классында специалистлер РФ Конституция статьяларын, бала ыхтыярлары акында Конвенциясын анълатув бойынша алдын шалув шара озгардылар. Орта-Тоьбе авыл орта мектебинде орта класслардынъ арасында «Меним парызларым эм ыхтыярларым» деп хабарласув озды, Кадрия атындагы мектебте 9-ншы класстынъ окувшылары ман «Ясы етпегенлердинъ яваплылыгы, парызы эм ыхтыяры» деп шара озды. Шарада Россияда эм Дагестанда балалардынъ яшав аьллери, олардынъ ыхтыярларынынъ толтырылувы, заманында оларга социаллык коьмек эм коршалав беруьв  акында айтылды. Солай ок аьеллерди  эм балаларды социаллык яктан аьжетсизлев боьлик куллыкшылары «Сизди закон коршалайды» деген шара озгардылар. Хабарласув ойын кебинде оьтти, бу шарада 85 бала катнастылар. 

Н. Ельгельдиева, КЦСОН куллыкшысы.