• Сегодня: Суббота, Октябрь 16, 2021
  • Буьгуьн: Юма сонъгы, 16 Казан айы, 2021

Тыншаюв куьнлерди кайтип алмага болады

admin
Февраль21/ 2018

Россия Федерациясынынъ Ис кодексине коьре куллыкшыга тийисли тыншаюв куьнлерди бирев де тайдырып болмайды, ама артка, эндиги йылга коьшпеге боладылар. Олай дегенимиз, эгер тыншаюв куьнлери келген куллыкшыдынъ йоклыгыннан производстводынъ ис аьрекетине зыян келетаган болса, онынъ тыншаюв куьнлери йылыспага боладылар. Бу ерде куллыкшыдынъ да ойын билмеге керек болады. 

Солай ок, РФ Ис кодексининъ 124-нши статьясына коьре, эгер куллыкшы тыншаюв куьнлери келгенде авырып, эмленуьв алган болса, онынъ тыншаюв куьнлери созыладылар. 

Аьр йыл сайын тийисли тыншаюв куьнлери келгенде куллыкшы берилмеге керек акшасын да алып кетпеге керек, эгер солай болмаса, ол оьзининъ тыншаюв куьнлерин, аьризе язып, бир аз кеш алмага да болады. Эгер куллыкшыдынъ тыншаюв куьнлери тийисли графикке коьре келип, ога приказ шыккан болган болып, акша берилмеген болса, куллыкшыдынъ аьризесине коьре, приказ кайтадан язылады яде болса, куллыкшыды приказга коьре, баска приказ бан куллыкка шакыртады.

Законодательство ман аьр йыл сайын берилетаган тийисли тыншаюв куьнлерин тайдырув уьшин айырым процедуралар токтастырылмаган.

А. Дильманбетов, район прокурорынынъ куллыгын юритуьвши, юстициядынъ киши советниги.

Яндекс.Метрика