• Сегодня: Суббота, 28 января, 2023
  • Буьгуьн: Юма сонъгы, 28 Канътар айы, 2023

Етиспевликлери де коьп

admin
Март22/ 2018

Телефонга банк куллыкшысы болып тел согадылар эм сизинъ банк счетынъызга шапкынлык этеек боладылар, сонынъ уьшин «отмена перевода» деп, счетынъызда бар акшанъызды йоймаяк болсанъыз, билдируьв этинъиз дейдилер яде болса, банк картанъыздынъ номерин тилейдилер. Эгер сиз олардынъ соьзлерине ынанып, билдируьв этсенъиз, банк счетынъыздагы акшанъыз йойылады.

«Авито» интернет косымшасы аркалы да яман аьдемлер кыянатлы ислерди этедилер. Олар бир телефон номери мен кесек заман пайдаланып, оьз товарын сатаяктай болып, белгиленген акшасын алады да, сонъ телефон номерин алып таслайдылар. Соны ман анъламастан аьдемлер акшасын да йояды, алгысы келген затын да алмай калады. Ызында оьз аьризеси мен полиция куллыкшыларына келмеге туьседи.

Сыйлы дагестаншылар эм бизим республикадынъ конаклары, сак болынъыз! Бир ерде де оьзинъиздинъ банк счетынъыздынъ, картанъыздынъ номерлерин, социаллык тармакларынъыз акында билдируьвлер этпенъиз, танымаган, билмеген аьдемлердинъ счетларына да акша коьширменъиз, туьрли интернет сайтлардан да бир зат та алманъыз. Берк атасы йыламас.

Р. Заргишиев, Ногай районы бойынша Россия ОМВД-сынынъ СО етекшиси юстиция подполковниги.  

Яндекс.Метрика

Создание и продвижение сайтов - компания Silica Group