Сол китаптинъ иштелиги мен ол мени де таныстырады. Элбетте, китапке коьплеген белгили аьлимлердинъ макалалары киргенлер. Солардынъ аьр бириси В.Коренякодынъ ийги касиети, терен билими акында уьйкен сейирсинуьв мен язган. Сол язганлар арасында ДР ат казанган маданият куллыкшысы, ерли уьлке танув уьйининъ етекшиси К.Бальгишиевтинъ де «Степной след Кореняко» деген макаласы да кирген. 
Бу китап дуныя ярыгын коьруьвге В.Коренякодынъ досы Сергей Владимирович Кузьминых аз куьш салмаган. Буьгуьнлерде илми куллыкшысы Владимир Коренякодынъ яркын эстелигине багысланган китап колдан-колга берилип окылады, Каирбек Бальгишиевке де ол уьйкен савга, эндигиден алып онынъ стол китаплерининъ бириси болады.
Г. Курганова.