Оьз исин суьйген куллыкшы

Ол дерислерге аьзирленгенде тек оьзи окытатаган класстынъ билимине карап калмай, ясларынынъ, психологиясынынъ туьрлилигин де эсинде тутады, аьр бир окувшы ман айырым куллык этеди. Кадрия Исаевна педагогикалык аьрекетин бардырганлы 26 йыл болады. Сол йыллар ишинде ол тек оьз усталыгын, сулыбын оьстирер мырад пан алдыга абытлаган. Буьгуьнлерде сол ымтылысынынъ емислери де бар – ога разы окувшылары, «Дагестан Республикасынынъ халк билимлендируьвининъ отличниги» деген сыйлы аты. Сондай уьстинликлери мен А-Х. Джанибеков атындагы мектебининъ эсап дерисиннен йогары квалификациялык категориясы ман окытувшы Кадрия Исаевна Маликова оьзининъ кеспилик байрамын йолыгады. Ис аьрекетинде биз де ога йогары уьстинликлерди йорап, алдыда аьли де коьп енъуьвлерди сагынамыз.