Алдын талаплы кыз балет, аэробика эм биювлер мен кызыксынып келген. Спорттынъ бу  кеби мен  Миланадынъ кызыксынып келуьвине де мине 4 йыллар болады.  Яс болса да, ол спорт тармагында коьп  бийик етимислерине  етисти. 3-нши дережели ГТО-га нормативлерди беруьвде  де Милана енъуьвшилердинъ сырасына кирди. Олардынъ тамамы бойынша ногай кыз шайытламага эм бийик коьрсетуьвлери бойынша энъ йогары савгасы – алтын белгиге тийисли этилген. Бу 2019-ншы йылдынъ 3-нши январь куьнлеринде  Башкортостан Республикасынынъ Октябрьск каласында лыжа спорты бойынша Россиядынъ Кубогы озгарылган эди.  Милана ярыста ортакшылык этип, бир куьмис эм эки алтын медальлерине тийисли этилди. 

     Талаплы кызды сол бийик етимиси мен биз де ак юректен кутлаймыз.

     Милана келеекте де йогары  уьстинликлерге етиспеге, кеспили спортсмени болмага уьмитленеди. Сол мыратлары толып, кыз дайым да уьстинликлерге тийисли болсын. Милана дурыс йолында. Дайым да  онынъ етимислерининъ саны оьсип, келеятырган несиллерге, онынъ тенълерине эм оннан ясы уьйкен болганларга да уьлги эм коьрим болып келсин. Йолынъ болсын, Милана! Тек алдыга бар!

Сургут каласындагы Ногай яслар союзы.
Суьвретте: Милана Курганова.