Айтпага, сынган розеткалар, патронлар кулланмага, бир ялгыз розеткадынъ куьши мен бир неше уьйди йылытатаган электроалатларды ислетпеге ярамайды. Тез янып кетпеге амырак затлар да от туьсуьвдинъ себеби боладылар, эм сол алатлар кавыфсыз ерлерге салынып кулланылмага тийисли. Уьйден узак заманга кеткенде, электроярыклар эм электроалатлар тымгызылганын эринмей тергеп шыгынъыз. Уьйде болган газ алатлар техникалык талаплавларга келисли болмага тийисли, сынган болмага ярамайды. Соларды кишкей балаларга, эсирик аьлде аьдемлерге ислетпеге ярамайды.Газ алаттынъ кранын серникти якпай турып ашпанъыз, онынъ уьстинде кийимлерди кептирменъиз. Уьйинъизде газдынъ ийисин сезгенде ок та газ алатларды, электроярыкларды тымгызынъыз, боьлмеди ел кактырынъыз. 

Балалардынъ ланъкасыннан от олар ялгыз, каравсыз калса туьседи. Саьбийлерге от туьсуьвдинъ кавыфсызлыгынынъ йорыкларын анълатпага тийисли. Оларга серник пен, майшырак пан ойнамага ярамайтаганын, тек уьйде тувыл, кырда да кавыфсызлыкты тутув керегин эслерине салынъыз. Газдынъ ийиси шыкканын сезсенъиз, 04 (тергевши тармак) номерине занъ согып, билдиринъиз.

 А.Анваров, 
Ногай районы бойынша ОНД эм ПР начальниги, ис службасынынъ подполковниги.