Чемпионаттынъ шаралары Каспийск каласындагы «Энергия» спорткомплексинде, Курылыс эм архитектура колледжининъ майданларында, Технический, Кизляр кеспи- педагогикалык, Шихсаидов атындагы авыл хозяйстволык эм баска колледжлерде, солай ок Махачкала, Буйнакск, Каспийск, Хасавюрт, Кизляр, Дербент калаларынынъ билимлендируьв учреждениелеринде оьттилер. Уьш куьн узагына 42 компетенция бойынша республикамыздынъ орта кеспи организацияларынынъ 300-ден артык катнасувшылары базластылар. Чемпионаттынъ компетенциялары бойынша енъуьвшилери шарадынъ шатлыклы ябылувында савгаландылар. Оларга дипломларды, медальлерди, акшалай баргыларды туьрли ведомстволар ваькиллери эм компаниялар етекшилери тапшырдылар. Сыйлы конаклар, енъуьвшилерди савгалай келип, республикамызда сондай шаралар озгарылувынынъ маьнелигин белгиледилер.

Н.Эрежепова.

Суьвретте: чемпионаттан коьринис.