Соьйтип, быйыл Дагестан Республикасы да цифровой телевидениеге яздынъ басланувы ман бирге тамбыз айыннан алып коьшеек. 

Быйылдынъ басында «Дагестан» РИА майданында республикадынъ цифровой телевидениеге коьшуьв соравы ойласылган. Сонда «Россия Федерациясында 2009-2018-нши йылларга телерадиовещаниеди оьрлентуьв» деп аталган федераллык программасы эсабында республика еринде цифровой беруьвдинъ 164 объектлери кулланувга берилгени белгиленген. 

Программадынъ бас ниети: элимиздинъ информационлык майданын оьрлентуьв эм коьп тармаклы телеберуьвди канагатлав.

«Цифровой телевидение республика яшавшыларынынъ уьйлериндеги телевизорларын сапатлы коьрсетуьв мен канагатлаяк, ол зат аьр кимге де ярар. Меним ойыма коьре, ол зат элимиздинъ яшавшыларынынъ онъайлыгы уьшин келеектегиге алынып турган кезекли абыт болады», – деген Камал Ибрагимов. 

Буьгуьнлерде ДР информатизация, байланыс эм коьлем коммуникациялар министерствосы ман бирге 100 мынънан кем яшайтаган авыл ерлеринде тезден аналог телевидениеси токтатылаягы акында халк коьлемине билдируьв ниет пен шаралар оьткерилип турады.