Бир ак кулыным бар эди,
Юкара берип оьлди.
Ерде оьлмеди, коькте оьлди,
Ярыкта оьлди, аксам тирилди. (Ай)
Булдан кишкей, пилден бийик. (Юлдыз)
Бир шатыр баганасыз. (Аспан)
Байтерек касында ярты калакай. (Ай)
Иши каранъа, белден сув,
Тоьбесинде яркын конъгызлар. (Куйы ишинде, йогардагы юлдызлар)
Ийне мен йыртыкты,
Тигип болмассынъ.
Каншы ман шытты,
Кесип болмассынъ. (Аспан)
Йыртык карынга ямав салынмас. (Ер)
Кара шырай ятыр,
Кара шырай шанъда.
Авыл коьшип ятыр,
Кара шырай уйкыда. (Ер)
Коьзин ашса – куьн,
Коьзин япса – туьн. (Куьн коьзи)
Коьк явлыкка туьйилген,
Увак туьек, ак суьек. (Коьк, юлдызлар, ай)
Кенъ майданда кызыл тарылар. (Аспан, юлдызлар)
Койным шетсиз, койым сансыз. (Коьк, юлдызлар)
Коьк туьсли, мынъ койлы,
Калакайы сары майлы. (Аспан, юлдызлар, ай)
Куьнде уйклар,
Туьнде кыдырар. (Ай)
Кенъ майдан, кувырылган аьжибийдай. (Аспан эм юлдызлар)
Куьндиз йыйылар,
Кеште яйылар. (Юлдызлар)
Кара сандыгым кызыл шыбынлы,
Ак сандыгым алтын куслы. (Юлдызлар, куьн коьзи)
Карыны туьпсиз, кушагы шетсиз. (Ер)
Кызарып кетеди,
Саргайып келеди. (Куьн коьзи)
Курт-кумырскалы кара кийгиз,
Елсиз тыгырар сары муьйиз. (Юлдызлар, коьк, ай)
Коьк туьсли кийгизди какпасын,
Оьрнегин юлкып алмасын. (Аспан, юлдызлар)
Кырк кыз эдик,
Эркин юрген биз эдик.
Кенъ такырга кондык,
Куьн коьзинде йок болдык. (Юлдызлар)
Коьк коьлде ак тавык ойнайды. (Ай)
Кырк кыз эдик,
Кыркымызда тенъ эдик.
Кенъ коьлде кыдырдык,
Куьн шыкканда кетип калдык. (Юлдызлар)
Карагус ушып етип болмас,
Аскар тавдан да бийик.
Етемен деген етип болмас,
Оны билмеген куьйик. (Коьк)
Коьк туьсли кагызда, кызыл тат,
Ол не зат? Ойлап тап. (Юлдыз)
Коьринмесе калкып,
Тоьгеректи каранъалык бийлер. (Ай)
Куьндиз куйыдан коьринер. (Юлдызлар)
Кенъ коьлде кырк кызыл кушына. (Коьктеги юлдызлар)
Кызарып батады, кызарып тувады. (Куьн коьзи)
Кенъ табакта кырк туьйме,
Колымды созып алып болмайман. (Аспан, юлдызлар)
Кенъ коьлде ак кошкар юреди. (Коьк, булыт)
Кенъ тогайда
Кызыл аьжибийдай яйылган. (Коьк, юлдызлар)
Кара кийгизде кызыл тас,
Ясыл кийгизде сары тас. (Юлдыз, шешекей)
Кенъ кийгиз уьстинде,
Кырк кызув. (Коьк, юлдызлар)
Куьн болса оьледи,
Туьн болса тувады. (Ай)
Кенъ табакта кызыл таслар. (Коьк, юлдызлар)
Коьлде коьринер юзи,
Коьринмес ызы. (Ай)
Кенъ яювдынъ мынъ койы бар,
Калакайдынъ сары майы бар. (Юлдыз, ай)
Кара сыйырдынъ ак бузавы бар. (Туьн, ай)
Кийгиз уьстиндеги кызыл коьмирлерди
Ел уьпирип соьндирмес. (Юлдызлар)
Кеште оьлер, танъда тирилер. (Куьн коьзи)
Кара кийгиздинъ уьстине,
Кызыл туьйме себилген. (Аспан, юлдызлар)
Кенъ калшединъ уьстинде,
Дынъгырады алтын юмыртка. (Аспан, ай)
Кенъ коьлде алтын балык. (Ай)
Каранъада коьринеди,
Куьндиз коьринмейди. (Юлдыз)
Коьк туьсли термеде илинген
Алтын денъгершик. (Ай)
Кенъ коьлде кызыл баьпийлер. (Аспан, юлдызлар)
Кенъ тогайга тары яйдым,
Танъда карасам, тарым йок болды. (Юлдыз)
Коьк туьсли каптал,
Кырк булы бар. (Аспан, юлдызлар)
Кийгиз десем кагылмас,
Майдан десем суьрилмес. (Коьк)
Куьндиз уйклар,кеште уянар. (Ай)
