А
Аванс – аван аьдемлерге берилетаган бир кишкей кыйын ак.
Автомат – ызлы-ызыннан токтавсыз соьгинуьв.
Автоприцеп – тойдан уьйине эркегин суьйреп кайткан хатын. 
Автотормоз – маьшининъде олтырып: «Аста айда!» – деп кышкыратаган кайынананъ.
Автоцистерна – маьшинге олтырган семиз хатын.
Айболит – бир ай больничныйда турган аьдем.
Акушер – коьшимли малшылык отлакларындагы Акуша район ери.
Алимент – Али деген ногайдынъ полицейский болувы.
Алкоголик – аракыга кийимин сатып яланъаш калган киси.
Ассорти – анасы бир, аталары баска яде атасы бир аналары баска балалар.
Аэроплан – планды айырув.

Б
Баламут – баласын бала туватаган уьйде мутып калдырув.
Балбес – бес кило бал.
Бандит – бандадынъ ийти.
Балалайка – ийттинъ баласы, куьшик.
Барьер – бар ер (бай ер).
Беженка – куьевге кашкан кыз.
Бойкот – куьшли (дав) мышык.
Босяк – ягы бос (тиссиз) аьдем.

Магомет-Али Ханов.