– Янъыларда, 25-нши январьде, Дагестан Аькимбасы Сергей Меликовка тувра эфир йорыгы бойынша коьп соравлар берилдилер. Ол зат эндигиси аьдемлер оьз республикасынынъ яшавын ийгилендируьв исине кирисип баслаганын шайытлайды. Сергей Меликовтынъ тувра линиясынынъ борышларынынъ бириси тап сол – яшавшылардынъ белсенлигин, маьселелер бизим баьримизге де ортак эм соларды бизден оьзге бирев де шешпеек деген анъламды коьтеруьв.
Янъыларда, Дагестан Республикасынынъ Аькимбасы Сергей Меликовтынъ эм Россия Федерациясынынъ Советининъ ваькиллерининъ ортакшылык этуьви мен регионда «Россиядынъ тарих-маданият асабалыгы» деп аталган Парламентли форумынынъ озгарылувы акында соьйленди.
Ногай район администрациясынынъ кезекли аппарат кенъесинде сонынъ катнасувшылары Ногай патшалык драма театрынынъ эм район Орталык китапханасынынъ 2022-нши йылдынъ ис сырагылары акында соравларды ойластылар.
Кой козылав шагы – малшылык тармагынынъ маьнели ислерининъ бириси. Койлар, аьдетинше, кыс айларында козылайтаганы бизге бала заманымыздан белгили. Козылар – койшылыктынъ ис сырагылары, сонынъ онъысы болады. Тоьл алув шагы онъайлы болып оьтуьвине табиат-ава аьллери, керек шаклы пишен-ем, тийисли ветеринар дарманлары эм мал меканларынынъ яравлыгы себеп болады.
Меним буьгуьнги макаламнынъ бас келбети бизим аллы-ясыл шоьллигимиздинъ ала-куба кумларынынъ арасында ерлескен Червленные Буруны авылында тувып-оьскен. Ол оьзининъ киндик каны тамган авылындагы ерли мектебти уьстинликли окып битиргеннен сонъ, Сургут каласындагы политехнический окув ошагында окып, автокоьликлерди канагатлав эм ярастырув бойынша уста болып шыгады. Газета окувшымды айлак куьшли кыйнамай, армаганда кимнинъ акында соьз юреегин билдирейим, ол бизим...
Давда оьлген аталардан увыллары эсейген, Неге десе маршта буьгуьн барадылар солдатлар, Неге десе бу йылларга танапыс берилмеген. Бизим акта сиз мутпаска борышлысыз, увыллар. Сыя тувыл бу тоьгилген, каткан кан сол ердеги, Ат уьстинде повесть язган суьйим онда сол йыллар. Сыдыралары повестьтинъ кып-кызыл ды эндиги. Бизим акта сиз мутпаска борышлысыз, увыллар. Сиздей ясымызда биз басшылаганмыз полкларды,...
Расул Гамзатовтынъ мерекеси – тек Дагестан Республикасы тувыл, савлай Россия элимиз уьшин маьнели оьзгерис. Бу данъклы шаирдинъ тувганлы 100 йыллыгына аьзирлик коьруьв эм соны ман байланыста байрамшылавды озгарув бойынша уйгынлав комитет туьзилип, онынъ Москвада оьткен биринши кенъесинде элимиздинъ басшысынынъ Указы ман келисте савлай йыл бойынша кайдай шаралар озгарылаягы белгиленген. Сол кенъесте ортакшылаган ДР-нынъ Информация эм...
Россиядынъ Язувшылар союзынынъ миллет адабиатлар бойынша Совети 2022-нши йыл 1-нши январьден алып декабрь айынынъ сонъына дейим «Эсит, Россия, бизим тавысларды!» деген РФ халклар тиллериннен яратувшылык коьшируьвининъ 3-нши конкурсын оьткерген. Конкурста эки номинация болган: «Поэзияды коьшируьв» эм «Прозады коьшируьв» деген.
Кыянатлык этилгени, административли правойорыклардынъ бузылувлары акында аьризелер Ногай районы бойынша Россия ОМВД-сынынъ дежурныйлар боьлигине кагытта язылган, почта аркалы, телеграф, туьрли билдируьв тармаклар бойынша еткерилмеге боладылар. Оьзинъиздинъ аьризелеринъизди яде билдируьвлеринъизди сиз куьн-туьн узагында Терекли-Мектеб авылынынъ Буйнакский, 1 орамында ерлескен Ногай районы бойынша Россия ОМВД-сынынъ дежурный боьлигине яде оьзинъиздинъ яшайтаган еринъиздеги участковый-уполномоченныйына билдирмеге боласыз.
Йыл сайын оьтетаган «Кишкей йигитлердинъ форумы» Россиядынъ 12 регионларыннан 25 балалар «Яс баьтири» деген медали мен савгаландылар. Солардынъ арасында КЧР Ногай районынынъ Кызыл-Тогай авылыннан сакат аьдемди янып турган уьйден аман-эсен куткарган молодогвардеец Арслан Сеитов та бар эди. Сол куьн Арслан орамга шыкканда авылдастынъ уьйи янып турганын коьреди. Ол тез аьрекетлеп уьйге шапты, неге десе онда...
