Джалалдин Магомед увылы Шихмурзаев… Оьмири бек кыска болган, ама онынъ иси, халкы уьшин эткен ийгилиги оьмирлерге сакланар. Менимше, ногай халкы онынъ атын ийги ягыннан айтып турмага керек.
Новость на родном
Оьмири яркын эм емисли болган
Быйыл май айынынъ биринде белгили ногай аьлими, язувшы, фольклоршы Джалалдин Магомедович Шихмурзаев тувганлы 85 йыл болаяк эди. Оьзи арамызда йок болса да, бу мереке онынъ тувган еринде маьнели оьзгерис эсабында озгарылар деп ойлайман. Яшавы онынъ яркын эм емисли эди эм сонъында коьп йыллар бойы онынъ тенълерининъ эм аьлимлердинъ куьндегилик исинде бардырылды.
Новость на родном
Орманлыкларды саклайык
Орманларда от туьсуьвлер – аьдемнинъ яшав аьрекетининъ эм тоьгерек яктынъ кавыфсызлыгы ман байланыслы энъ де маьнели маьселелердинъ бириси болады. От туьсуьвлер тек Дагестаннынъ тувыл, савлай элимиздинъ экономикасына эм экологиясына зыян келтиредилер.
Новость на родном
Ден савлыгын сынавга салып
Коькек айынынъ сонъгы куьнинде от туьсуьвге карсы боьлигининъ куллыкшылары оьзлерининъ кеспи байрамын белгиледилер. Бу куьнлерде от туьсуьвге карсы боьлиги Россия МЧС сырасына киреди.
Новость на родном
Сый иесин тапкан
Янъыларда Ногай районынынъ маданият тармагынынъ ийги иси мен белгили ваькиллери маданият куллыкшыларынынъ Россия профсоюзынынъ Сый грамоталары ман савгаландылар.
Новость на родном
Дайымлык эс эм авырув
Соьйтип, уьйкен этип язылган язувы болган плакат илип, авыл маданият уьйининъ каралдысы ярасык шешекейлер, Чернобыль атом электростанциясы атылганнан сонъ, сонынъ калдыкларын тайдырувда катнаскан ердеслеримиздинъ суьвретлери салынып, аьзирленген баннер де коьзге туьсип, келген конакларды Орта-Тоьбе авыл яшавшылары йолыктылар. Бу куьн конак болып, Ногай районымыздынъ баьри авылларыннан да, сол 35 йыл артта болган казады басларыннан оьткерген, тувра...
Новость на родном
Оьмирлерге калган баьтирлик
Чернобыль атом электростанциясында авария болды деген коркынышлы хабар 1986-ншы йылдынъ коькек айынынъ 26-ншы куьнинде савлай дуныяды айланды. Бир кишкей кесек заманнынъ ишинде Чернобыль деген каладынъ аты баьрисине де белгили болды. Чернобыль атом электростанциясында болган баьле-каза калдыкларын тайдырув исинде 700-ге ювык аьдемлер катнасканлар. Оьз куьшин, бир-бир заманларда яшавын кавыфлыкты тайдырув уьшин туьрли кеспили аьдемлер бергенлер.
Новость на родном
Каза эм йигитлик
Чернобыль акында неше булаклардан да окымага, саьатлеп соьйлемеге болады. Бу тарихке кирген оьзгеристи коьрген, билген бир инсан да мутып болмаяк. Мутпайдылар сол казага йолыкканлар, коьзлери мен коьргенлер эм олардынъ аьеллери.
Новость на родном
Уьйкен юрекли кишкей кыз
Биз балалар арасында йигерли ис этуьвди, йигитлик сезимин коьрсетип, баьлеге туьскен аьдемге коьмекке кол созувды эндигиси совет заманларында калган аьдет деп те санап баслаган эдик. Болса да балалар кайсы заманда да таза янлар болып каладылар эм, элбетте, оьзлери мен бирге ойнайтаган ювыгындагы балалар яде бирерде уьйкенлер кыйын аьлге туьскенде, юреклери иримей болмайды.
Новость на родном
Кешлик йылы дослык аьлде оьтти
Уьстимиздеги йылдынъ коькек айынынъ 15-нши куьнинде Махачкалада «Сраждин Батыров – шоьл увылы» деген выставкалык проекти бойынша «Дагестаннынъ авылы» деген музейи Дагестаннынъ Язувшылар союзы ман бирге ногай поэзиясынынъ кешлигин уйгынлап озгардылар. Кешлик ногай суьвретлер ясав саниятынынъ негизин салувшысы Сраждин Батыровтынъ ретроспективли художестволык выставкасы фонында уйгынланып оьтти.
