Янъыларда «Ногайский район» МР администрациясында коронавируслы зарарлы мараздынъ кенъ яйылувына карсы турган оперативли штабтынъ йыйыны болып озды. Сонда эртеректен белгиленген, оперативли штабтынъ сыраларына кирген, агзалар баьри де ортакшылык эттилер.
«Россети Северный Кавказ-Дагэнерго» ПАО Ногай РЭС энергетиклерининъ куллыкшылары районымыздынъ баьри авылларын электроярыгы ман канагатлав куллыгын шалысып толтырадылар. Олардынъ ийги иси республика энергетика тармагынынъ етекшилери мен де белгиленеди.
Оьткен юма сонъгы куьн Оренбург каладынъ «Оренбуржье» спорт клуб-комплексинде куьрес бойынша финал кезегининъ ярыслары болып оьткен. Сонынъ сырагысында яс ердесимиз Альберт Батыргазиев (суьвретте) чемпион атын казанган.
Уллы Аталык согысы басланганда, Совет Союзынынъ баьри миллетлери де колларына савыт-садак алып, элин кир ойы ман келген душпаннан коршаламага деп, беллерин каты бувып, явга карсы шыктыларю. Аталарынынъ, акаларынынъ артыннан кан тоьгисли согыска яслар йолландылар.
СССР халк артисти, белгили дагестан композиторы Мурад Кажлаевтинъ 90 йыллык мерекеси республикамыз бойынша кенъ телевизионлык фестивали кебинде белгиленеек.
Казахстандагы Актау кала яшавшысы Сакен Амангельдиев муннан 70 йыллар артта Дагестанга коьшип кеткен оьзининъ кардаш-тувганларын излестиреди.
Совет эм Россия композиторы, пианисти, Россия эм республика баргыларынынъ лауреаты, РФ эм ДР ат казанган саният аьрекетшиси Магомед Касумовка бу йыл 80 яс толаяк эди.
Аьдемнинъ ишки маданияты тек онынъ зейинлиги, билимлиги, аьдемлер мен ийги кепте аьллесуьви мен таьвесилип калмайды. Бар бизде баска ерлер де шынты аьдем болсанъ ишки маданиятынъды коьрсетуьв уьшин. Тоьменде сонынъ акында соьзимди юритемен. Биз аьллесуьвимизде соларды эскермесек те, соларсыз яшавымыз толы болмайтаганы аьр кимге де белгили. Аьлиги ХХI оьмирде, илми эм технология илгериликлери коьпке яхшырып баратаган...
Ногай шоьлинде аьеллерде сакланган саргайган суьвретлерден бизге куьмис туьсли каракульден (элтирден) ясалган боьрк кийген аксакаллар карайдылар.
Уьстимиздеги йылдынъ навруз айынынъ сонъында Бельгияда «Сраждин Батыров, онынъ дослары эм окувшылары» деген аты ман онынъ суьвретлерининъ выставкасы уйгынланып оьтеек. Ногай халкынынъ маданиятынынъ оьрленуьвине коьп куьшин салган биринши ногай кеспили суьвретшисине, оьз ердесине ногайлар демевлик этеегине бек сеним этемен. Выставкадынъ оьтеек ери аьли де белгиленмеген болса да, онынъ оьтееги акында сизге билдирмеге суьемен.
