Махачкаладагы билимди оьстируьв институтында аьр сайын февраль айында ана тил куьнине багысланып,шаралар оьткериледи.

Быйыл да мунда авыр аьллер мен байланыслы болып,онлайн йорыгында ана тилинде дагыстан авторларынынъ асарларын ийги этип окувга багысланган республикалык конкурсы оьтти.

Конкурста Ногай районнынъ Кадрия атындагы СОШ-сынынъ 11 класс окувшысы Карина Мансурова,Джанибеков атындагы СОШ-нынъ 11 класс окувшысы Оьзбек Кадыров эм Акмурзаев атындагы СОШ-сынынъ 11 класс окувшысы Халиф Алимуллаев ортакласув эттилер.

Республикалык конкурсынынъ агзалары филология илмилери- нинъ кандидаты Фания Кусегенова,Дагыстаннынъ язувшылар Сою зынынъ секретари,ногай секция басы Анвар-Бек Култаев конкурста ортакшылык эткенлердинъ окыган асарларын тынъладылар эм оьзлерининъ бааларын да бердилер.

Конкурс тамамы бойынша Джанибеков атындагы СОШ-сынынъ 11 класс окувшысы Оьзбек Кадыров Мурат Авезовтынъ «Кабадагы бала» деген балладасын окып,39 балл казанды эм соны ман ол 1-нши орынга тийисли этилинди.Сосы яска ДР-сынынъ билимлен- дируьв эм илми Министерствосынынъ сый грамотасы тийисли эти- линди.

З.Шугаипова