Тарумов районында Ха- тын-кызлар советининъ баславы ман «Янъы йыл бирге» деген акциясы уйгынланып оьтеди. Акциядынъ барысында район яшавшыларына Украинада оьтетаган спецоперацияда катнасатаган аьскершилерине посылкалар аьзирлемеге деген маслагаты берилген эди. Акцияда район яшавшылары белсенли ортакшылык эттилер.

Коьплеген организациялары посылкалар аьзирледилер эм онынъ уьстинде ис юритетаганлардынъ да саны аз тувыл. Яшавшыларды ис пен канагатлав бойынша орталыгы, орталык китапханасы, Новодмитриевка авыл орта мектебининъ окытувшылары эм окувшылары, «Дом милосердия» куллыкшылары эм яшавшылары, Талов больницасынынъ куллыкшылары, мектеблер эм авыл администрациясы акцияда катнастылар. Новодмитриевка авыл орта мектебининъ окувшылары оьз посылкаларына хатлар эм янъы йылдынъ открыткаларын да салдылар.
Коьплердинъ ярдамга кол созбага аьзир болганы да суьйиндирмей болмайды. Бириншилердинъ сырасында ийгилик эм юрек йылувлыгы не зат экенин аьр кимнен де артык сезген эм анълаган «Дом милосердия» уьйининъ куллыкшылары эм яшавшылары болдылар.
Районда посылкадынъ йыйылувы аьли де бардырылады.
Суьвретте: акциядынъ барысы.