Кыянатлык этилгени, административли правойорыклардынъ бузылувлары акында аьризелер Ногай районы бойынша Россия ОМВД-сынынъ дежурныйлар боьлигине кагытта язылган, почта аркалы, телеграф, туьрли билдируьв тармаклар бойынша еткерилмеге боладылар. Оьзинъиздинъ аьризелеринъизди яде билдируьвлеринъизди сиз куьн-туьн узагында Терекли-Мектеб авылынынъ Буйнакский, 1 орамында ерлескен Ногай районы бойынша Россия ОМВД-сынынъ дежурный боьлигине яде оьзинъиздинъ яшайтаган еринъиздеги участковый-уполномоченныйына билдирмеге боласыз.
Россия МВД-сынынъ 2014-нши йылдынъ август айынынъ 29-ншы куьнинде шыккан «Об утверждении Инструкции о порядке приема, регистрации и разрешения в территориальных органах МВД РФ заявлений и сообщений о преступлениях, об административных правонарушениях, о происшествиях» деген буйырыгы ман гражданларды кабыл этуьв йосыгы белгиленген. Алынган аьризелер, РФ Уголовлык-процессуальли кодексининъ 141-144-нши номерли статьяларына коьре караладылар эм шешиледилер. Эм берилген аьризе бойынша алынган яде шыгарылган карар акында аьризе язувшыга бир сутка ишинде явап берилмеге керек болады.
Аьризе язатаган аьдемге не зат билмеге керек:
Аьризеди алган аьдем соны регистрация этип, сизге талон бермеге керек эм сизинъ аьризенъиз кимге туьскенин эм кайдай карар алынатаганын да билмеге ыхтыярынъыз бар.
Эгер кыянатлык яде административли правойорыклардынъ бузылувы акында аьризе телефон аркалы билдирилсе, соны алган куллыкшы эсапка алып, рапорт аркалы территориаллык органынынъ дежурный боьлигине береди.
Эсинъизде сакланъыз, сизинъ билдируьвлеринъизде ялган болмага керек тувыл. Сонынъ акында сиз кол басасыз. Эгер ялган болса, сиз оьзинъиз РФ Уголовлык кодексининъ 306-ншы статьясына коьре яваплыкка тартыласыз.
Аьризединъ кайтип язылатаганынынъ мысаллары ман Ногай районы бойынша Россия МВД боьлигининъ дежурный боьлигинде таныспага боласыз.
Аьризе берген шакларда иш ислер боьлигининъ куллыкшыларынынъ тийиссизликлерин коьрсенъиз, олар яктан анълатувлар дурыс болмаса, Ногай район прокуратурасына, Ногай район судына, Дагестан Республикасы бойынша МВД етекшилерине, Ногай районы бойынша Россия МВД боьлигине сол санда сеним телефоны ман билдирмеге боласыз.
Ногай районы бойынша Россия МВД боьлигининъ сеним телефонларынынъ номерлери: 8(87-256)2-14-78 (сеним телефоны), 99-48-21, мобильли телефон номерлери: 102, 112.
Дагестан Республикасы бойынша МВД-сынынъ сеним телефонынынъ номери: 8(8722)98-48-48.
Телефон аркалы келген баьри билдируьвлер де дежурный боьлигининъ коьпканаллы цифровой комплексинде регистрацияланады.
Ногай районы бойынша Россия МВД-сынынъ Штаб боьлиги.
