Запоржьединъ Михайловский районыннан балалар Дагестан ерине яй тыншаювын озгармага келдилер. Яй шагынынъ бир кесегин олар «Анжи-мастер» ерли савландырув лагеринде озгараяклар. Комплекс Каспий тенъизининъ ягасында ерлескен. Яс конакларды тек тенъиз ягасында тыншаюв тувыл, республикадынъ ярасык ерлери бойынша кыдырувлар да куьтеди.
Уьш юма узагында олар ойнаяклар, спорт пан каьрлееклер, тенълери мен аьллесееклер. Сонынъ аркасы ман тез арада оьз яслылар ман байланыслар тутувга эм бир-бирисин анълавга эп болаяк.
Эске туьсирейик, Дагестан Михайловский районына ярдам этуьв бойынша келисуьв туьзген. Республика еринде балалардынъ тыншаювы Дагестан эм Запорожье ара ПМЭФ майданында туьзилген сол келисуьвдинъ бир пункты эди. Балалардынъ яй тыншаювын уйгынлавдан баска болып, республика районнынъ кайтадан оьрленуьвине оьз ярдамын этеек.