Дагестанда республика Аькимбасы Сергей Меликовтынъ тапшырмасы бойынша министерстволар – ДР Минцифры ДР Минсельхозпрод, ДР Минпромторг эм Дагестан бойынша УФАС пан биргелесте тамак-азык продуктларга эм яшавшыларга бас деп керекли товарларга баалар оьсуьв, солай ок регионды тамак-азык продуктлар ман канагатлав соравлары бойынша «Кызувлы линия» ашылган.

Туькенлерде яде рынокта товарлар баасынынъ оьскенин сезген дагестаншылар куьн сайын эртенъги 9 саьаттен кешки 19 саьатке дейим (тыншаюв куьнлерде де) 98-97-76 номерли телефонга занъ сокпага боладылар.
Сизге туьскен шагынувлар эм йогарыда белгиленген министерстволардынъ эм ведомстволардынъ билдируьвлери спекулянтлар ман баалар оьстируьвин аянлав эм алдын шалув уьшин, республикадынъ тамак-азык пан канагатлавдынъ кавыфсызлыгын канагатлав уьшин кулланылаяк.