Дагестан Республикасынынъ Халк Йыйынынынъ председатели Заур Аскендеров Россия Президенти мен ДНР эм ЛНР республикаларынынъ бойсынмаслыгын кабыл эткени мен байланыста оьз ойын айтты.

— Увыт айынынъ 21-нши куьнинде Россия Федерациясынынъ Президенти Владимир Путиннинъ указлары ман Донецк эм Луганск халк республикаларынынъ оьз эркинлигин, Украина властьлерининъ Минск соьйлесуьвлерди толтырмаганын эсапка алып, бу республикалар сувереннли деп кабыл этилген.
Бизим элимиздинъ Президенти эм ДНР, ЛНР басшылары биргелесип, дослык, бирге ислев эм коьмек этуьв акында соьйлесуьвге кол басканлар.
Владимир Путиннинъ сондай карары келеекте бу республикалардынъ кавыфсызлыгын аьжетсизлевге баьри амалларды да туьзеди.
Биз бу кыйынлы заманда шеттен карап турып болмаймыз, неге десе мунда аьдемлер оьледилер.
Россия басшысынынъ алынган карарын биз баьримиз де хош коьремиз, бу бек маьнели оьзгерис элимиздинъ тарихине кирди. Бу карарлар Россиядынъ савлай дуныяда тынышлыкты саклавшы деген сатусын беркитер деп шекленмеймиз, — деп айтты Заур Эскендеров.