Карагыс айдынъ 3-нши куьнинде Халклар ара сакатлар куьни белгиленеди. Ол дуныядынъ баьри аьдемлерине касымызда бизим коьмегимизди, коьтергишлевимизди куьткенлер бар экенин эске салув.

Йыл сайын районымызда аьрекетлеген «Инсан» саваплык фондынынъ ваькиллерининъ куьш салувы ман бу куьн ер маьлиеклерининъ коьнъиллерин коьтерген шаралар уйгынланады. Бу йыл байрам шарасы «Нур» банкет залында 13:00 саьатте озгарылаяк. «Ак гуьл» агентствосынынъ етекшиси Гульнара Беккишиева 100 аьдемге
оьз амалларына даьмли сыпыра кураяк. Аьли де савкатлар алмага, залды ярасыкламага, аниматорлар шакырмага амаллар керек. Соны ман байланыста «Инсан» фонды байрам озгарувга амаллар йыйнав басланганын билдиреди эм «Ер маьлиеклери» саваплык проектинде катнаспага шакырады.

Соравларынъыз болса 8-928-505-56-77 номерине занъ согып, явап алмага боласыз. Ер маьлиеклерининъ юзине куваныш эндирген саваплык исинде ортакшылык этпеге суьйсенъиз «Инсан» фондынынъ етекшисининъ картасынынъ номерин язамыз: 4276-6000-2083-9748.