Дагестан Республикасында янъыларда «Яс профессионаллар» WorldSkills Russia – 2021 региональли чемпионат тамамланды, ярыс 10 куьн болды, ийги деген катнасувшыларга Махачкала каласында Дослык уьйинде баргылар тапшырылды.

Шатлыклы шарада Дагестан Республикасынынъ Оькиметининъ Председателининъ орынбасарынынъ куллыгын юритуьвши Анатолий Карибов катнасты. Ол чемпионат катнасувшыларын кутлап, олардынъ кеспилик усталыгын белгиледи.
– Бизим шара республикамыздынъ 6 калаларынынъ – Махачкала, Каспийск, Буйнакск, Хасавюрт, Кизляр эм Дербент – 23 майданларында басланды, ярыста баьриси 357 конкурсантлар эм 453 экспертлер катнастылар, – деди А.Карибов.
Енъуьвшилер медальлер эм дипломлар ман савгаландылар.
Шара концерт пен тамамланды.