Терекли-Мектебтеги «Россельхозбанк» АО Дагестан регионаллык филиалынынъ косымша офиси Ногай районындагы сынъар кредит учреждениеси болады, онынъ аьрекетине кыйын аклар проектлери, юридический эм физичес- кий лицолардынъ касса-расчет канагатлавы, яшавшыларга кредитлер беруьв киреди. Озган 2021-нши йылдынъ ишинде Терекли-Мектебтеги «Россельхозбанк» АО Дагестан регионаллык филиалынынъ косымша офиси мен «Авыл ипотека» программасы бойынша баьриси 58 миллион маьнет акша 27 аьдемге кредит берилген.
Авыл ипотекасы 1,5-2 миллионнан алып 3 миллион маьнет акшага дейим льготалы 2, 7 % ставка ман бериледи. Белгиленген банкы ман патшалыгымыз бан салынган – авыл ерлерин оьрлендируьв борышы баска программалар бойынша кредитлер тоьлев аркалы да толтырылады. Бизим аграрлы болган Ногай районына сондай коьтергишлевлер бек маьнели болады. Туьр- ли программалар аркалы патшалыктан ярдам алувда кагытларды дурыс аьзирлемеге яшавшыларымызга Терекли-Мектебтеги «Россельхозбанк» АО Дагестан регионаллык филиалынынъ косымша офисининъ куллыкшылары коьмек этедилер. Оннан оьзгелей, банк буйымларын алувшылар баьри соравларын еринде, республикамыздынъ баска калаларына бармай шешсин деген ниет уьстинде илгериде куллык юритилеек.
Янъыларда Терекли-Мектеб- теги «Россельхозбанк» АО Дагес- тан регионаллык филиалынынъ косымша офисининъ управляющийи Абдурахман Койлубаевтинъ етекшилиги астында аьрекет этетаган куллыкшыларынынъ исине йогары белги берилди. Озган 2021-нши йылдынъ сырагыларына коьре, Терекли-Мектебтеги косымша офисининъ ис коллективи 2021-нши йылдагы аьрекети бойынша республикада 1-нши орынды бийлеген. Куллыкшыларды сол етискен уьстинлик пен кутлап, Сый грамотасын тапшырмага Дагестан регионаллык филиалынынъ директоры Елена Гончаренко, регионаллык тармагынынъ толтырувшы директоры, бас офисининъ ваькили Ольга Дьяченко эм Дагестан регионаллык филиалынынъ директорынынъ орынбасары Михаил Михайличенко келген эдилер.
Терекли-Мектебтеги «Россельхозбанк» АО Дагестан регионаллык филиалынынъ косымша офисининъ ис коллективине келеекте аьли де йогары уьстинликлерге етискенин, халк онъайлыгы уьшин емисли аьрекетин коьп йыллар узагына бардырганын йораймыз.
Н.Кожаева.
Суьвретте: Сый грамота тапшырылган мезгили.
