Янъыларда Кизляр районынынъ аькимбасы Аким Микиров 2017-нши йылдынъ кырк кийик айынынъ 29-ншы куьнинде ис орынында караклардынъ колыннан ян берген Кизляр районы бойынша Россия ОМВД-сынынъ тамада лейтенанты Рустам Качмасовтынъ анасын Халклар ара хатын-кызлар куьни мен кутлады.

Кизляр район аькимбасы А.Микиров сыйлы Ильмухан Мавлеевнага ден савлыкты, онъайлыкты, баьри ислеринде етимислерди йорады эм олардынъ аьелине Кизляр районынынъ етекшилеви ягыннан кайсы ярдамды да этпеге аьзир экенин билдирди. Район аькимбасы Рустам Качмасовтынъ анасына шешекей эм савга тапшырды.