Дагестан Республикасынынъ Аькимбасынынъ куллыгын юритуьвши Сергей Меликовтынъ быйылдынъ навруз айынынъ 24-нши куьнинде 49-ншы номерли Указы шыккан. Сол Указга коьре, патшалык эм муниципаллык власть органларынынъ ваькиллерининъ, илми, билимлендируьв, савлык саклав, маданият, саният эм спорт аьрекетшилерининъ айырым куьби республика алдында етискен уьстинликлери, ис етимислери эм коьпйыллык намыслы куллыгы уьшин Дагестан Республикасынынъ патшалык савгаларын казанган.

Олардынъ арасында «Дагестан Республикасынынъ ат казанган экономисти» деген сыйлы ат пан Дагестан Республикасынынъ Халк Йыйынынынъ депутаты, сонынъ Курылыс, турак уьй-коммуналлык хозяйствосы, коьлик эм байланыс комитетининъ председатели Мурат Мамаев, «Патшалык ногай драма теат- ры» Дагестан Республикасынынъ патшалык бюджет учреждениесининъ актрисасы Оразбийке Кокоева «Дагестан Республикасынынъ ат казанган артисти» деген оьрметли ат пан савгаланганы акында билдирилген.