Ногай районынынъ ыхтыяр саклав органларынынъ сыйлы куллыкшылары! Сизди кеспи байрамы – РФ Прокуратура куллыкшысынынъ куьни мен ак юректен кутлайман.

Бу байрам – оьзлерин гражданлар ыхтыярларын эм эркинлигин, оькиметтинъ кызыксынувларын саклавга багыслаганларга ак юреклик сый этуьв. Сиз яшавдынъ баьри тармакларында законодательство тутылувына тергев саласыз, ыхтыяр саклав органларынынъ куллыгын онълайсыз, правойорык канагатлавын беркитесиз, район яшавшыларынынъ ыхтыяр саклавынынъ дережесин арттырасыз эм кыянатлыклардынъ алдын шалувга себеплик этесиз. Сизинъ алдынъызда туратаган борышлардынъ авырлыгы, коьп як туьрлилиги эм яваплылык тутув йогары кеспилик эм анъ-эдаплык талаплавлар салады. Кеспи байрам куьнинде сизге Ногай район еринде ыхтыяр сакланувга эм законлык тутылувына эткен уьлисинъиз уьшин разылыгымды билдиремен.
Сизге эм сизинъ аьеллеринъизге ден савлык, наьсип, онъайлык, енъил тувыл эм яваплы исинъизде уьстинликлер йорайман.
М.Аджеков,
Ногай район аькимбасы.