Кызыл майдан бос буьгуьн…
Артка тайды байрам куьн.
Явды кувып енъген куьн,
Атам давдан келген куьн.

Кызыл майдан бос буьгуьн…
Эсли солдат тайган куьн,
Коьз яслары аккан куьн,
Тенъ досларын йойган куьн.

Кызыл майдан бос буьгуьн…
Куьн саьвлеси кунъирт куьн
Кызыл Аьскер енъген куьн,
Кавга сеси соьнген куьн.

Шатлык элге энген куьн,
Суьйинишке толган куьн,
Эркин яшав курган куьн,
Эстен байрам таймас куьн.

Шаникеева Асият Алимурзаевна