1813-нши йылдынъ 18-нши октябринде орыс аьскер эм онынъ союзниклери Лейпциг туьбинде Халклар урысында Наполеонды енъгенлер.

Лейпциг касында Наполеонга карсы 6-ншы коалициядынъ 300 мынъ аьскери (солардынъ сырасында 127 мынъ орыс аьскершилер) француз аьскерлери мен (200 мынъ аьскерши) йолыгысканлар. Урыс 16-ншы октябрьде басланган. Орысларга союзлы болган Богем аьскери бизим генерал Барклай-де Толлидинъ етекшилиги астында душпанга карап алдыга барган. Олар аьдемлер яшайтаган уьйкен болмаган ерлерди алганлар. Бир неше саьат узагына барган урыслар бек авыр болганлар, эм Наполеон оьз явларынынъ алдыга барувын токтаткан. Урыстынъ биринши куьнинде эки яктан да бир неше онлаган мынъ аьдемлер оьлген эм сол куьн биревсине де уьстинликлер аькелмеген. Союзниклерге коьмекке келген, эм 18-нши октябрьде олар баьри яктан да алдыга барып баслаганлар. Французлар берилмеске шалысканлар, ама олардынъ ягында согыскан саксон корпусы, союзниклер ягына коьшкен. Наполеон артка тайган (Францияга ол баьриси 40 мынъ аьскерши аькелген). Союзлы аьскердинъ енъуьвинде бек маьнели болган орыс аьскерлерининъ аьрекети, оларга согыстынъ сав авырлыгы таянган болган.
Н.Кожаева.