Ногай районынынъ Орта-Тоьбе авылында янъы артскважина казылаятыр.

Артезианнынъ теренлиги 600 метрге дейим барады. Орта-Тоьбе авыл администрациясынынъ аькимбасы Алавдин Шанев увылы Карагуловтынъ айтувы ман, салынып турган артскважина сув ман аьр бир азбарды канагатлаяк.
– Мен ойлайман, авыл яшавшыларында сув ман маьселе болмас, артезиан ислеп баслаганда. Авылда 250 хозяйстволар бар, артезианнынъ 300 хозяйстволарды сув ман канагатламага куьши бар, – деп хабарлайды авылда юритилип турган ислер акында А.Карагулов.