Газ алатлар кулланувдан туьсетаган оттынъ бас себеплери олардынъ кайдай ды бир ериннен газ йиберуьв мен байланыслы. Ол ава ман косылысса, атылмага болады, сонынъ уьшин газ ийиси шыкса ок газ алатынынъ баьри кранларын тийисли этип яппага, боьлме ишин газ ийисиннен босатпага керек, сонъ сол алатты кулланмага ярайды. Эгер ол яравсызлыкка шыккан болса, армаганда оны ман пайдаланувды токтатып, тез ок аварийный газ службасына билдирмеге керек. Аьр куьн эртенъликте газ тартылган квартиралардынъ газ плиталар, счетчиклер эм сондай баска алатлар ман яракланган боьлмелерининъ терезелерин ашып, ишиндеги авадан тазаламага керек. Газ алатлардан газ йиберуьвин от ягув ман тергемеге ярамайды, сабынлы сувды, газ детекторларды кулланмага тийисли.

Балаларга эм газ алатлар ман таныс тувылларга олар ман пайдаланмага ярамайды. Кателер болдырмас уьшин тоьмендеги йорыкларды тутув керек:
— газ плита алдында онынъ баьри кранларынынъ ябылганын тергемей, газпроводтагы кранды ашпанъыз;
— колда янган от алаты болмай( спичка, зажигалка), газ плита кранын ашпанъыз;
— янаяткан горелкага кайдай да синъгеллик болсын, куйманъыз;
— кранларды кышкыш пан, ашкыш пан бурманъыз;
— газ трубопроводларды яде газ плиталарды оьзинъиз ремонтламанъыз.
Айырым кавыфлык тувдырады газ плита уьстинде калдырылган ас-сув.
От – тилсиз яв. Сак болынъыз.
А.Джамалдинов, Южно-Сухокумск, Тарумов эм Ногай районлары бойынша тергев аьрекетининъ эм профилактикалык ис юритуьв боьлигининъ начальниги ис службасынынъ капитаны.