Ак карлы, тырсылдаган ашшы аязлы, бетлери кызарып,шаналарына минип ойнап юрген кишкей саьбийлердинъ завыклы сеслери мен суклангандай аьл болган кыс мезгилинде савлай элимиз бойынша баьрининъ де суьйикли байрамларынынъ бириси – Янъы йыл кешеси келеди оьз сыхырлыгы эм аьлеметлиги мен, аьр кимнинъ коьнъиллигине коьнъил косып.

Оькимет ягыннан ясуьйкенлер несилине, пенсионерлерге уьйкен эс каратылады: пенсия кадири оьстирилип турады, 60 ясларыннан озганларга айырым маьне бериледи. Келеяткан йыл да сол яктан онъайлы болсын. РФ Президенти В.Путиннинъ халк яшавын ийгилендирмеге каратылган ой-токтаслары толысынша яшавга шыгарылган йыл болсын. Ийгиликлерге сенимлик пен алдыга абытлайык.
Сыйлы район яшавшылары, оьрметли пенсионерлер! Сизди ак юректен келеяткан Янъы йыл байрамы ман кутлайман, берк ден савлык, узак яшав оьмирин эм уьйкен наьсип йорайман.
М.Абдулалимова,
Ногай районы ДР бойынша ОПФР боьлигининъ етекшиси.