Дагестан Аькимбасы Сергей Меликов Россиядынъ Шет эллер ислери министри Сергей Лавровтынъ етекшилиги астында министерствода оьткен РФ-нынъ субъектлер аькимбасларынынъ Советининъ кенъесинде ортакшылык этти.
ДР Аькимбасынынъ администрациясынынъ пресс-службасынынъ билдируьви мен, онынъ ис куьнделигининъ бас соравы савда-экономикалык, маданият эм гуманитарлык тармакларында Орталык Азия эллеринде регионлар эм олардынъ партнерлары ара байланысларды оьрлендируьв эди.
Россиядынъ Иш ислер министерствосында РФ-нынъ субъектлер аькимбасларынынъ Совети 2003-нши йылда президенттинъ тапшырмасы ман туьзилген. Онынъ мырады – Россия регионларына халклар ара эм тыскы экономикалык байланыслардынъ оьрленуьвине себеплик этуьв, солай ок аьне яде мине тыскы политикалык баславлар бойынша ой-маслагатлар аьзирлевде олардынъ катнасувына эп туьзуьвди канагатлав.
С.Меликов ортакшылады
![](https://golosstepi.ru/wp-content/uploads/sites/7/sites/7/2023/05/WhatsApp-Image-2021-10-14-at-20.57.30-e1684391540976.jpeg)