Ногай районынынъ  сыйлы яшавшылары!

Бизим район япсарларында кокысларды тийиссиз ерлерге таслап, санитарлык тазалыкты бузув койылмайды. Район яшавшылары оьзлерининъ уьйлериннен, предпринимательлик аьрекет пен каьр- лейтаганлар Терек-Куьми каналынынъ Караногай ериннен кететаган кесегине айлак коьп уьйшилик кокысларын таслайдылар. Сол кокыслар ман, наслык пан катыскан сув авага, табиатка зарар аькеледи, неге десе сув да белгиленген нормативли актка коьре, тийисли шаралар кулланылып, тазаланмайды.
Айлак нас ерлер Ногай районы бойынша Бораншы, Нариман эм Терекли-Мектеб авылларында аянланганлар. Соны ман байланыслы болып, Ногай районы бойынша Россия МВД боьлиги гражданларга эм байыр предпринимательлик аьрекетти бардыратаганларга Терек-Куьми каналына туьсетаган канализациялык трубаларды тайдырмага тилек салады. Солай болмаган ерде, олар Россия Федерациясынынъ административли ыхтыяр йорыкты бузув кодексининъ 8.2 статьясына коьре яваплыкка тартыладылар. Сол статья тоьгерек якты, табиатты саклав уьшин тийисли йорыкларды тутып болмав акында билдиреди.
РФ КоАП 8.2 статьясынынъ 1-нши кесегине коьре, тийисли йорыкларды бузган аьдемге 2 мынъ маьнет акшалай штраф салынады.
Аьли биз йогарыда белгилеген ыхтыяр йорыклар бузылувлар бойынша туьзетуьв шаралар этилмесе, экологияды наславга себеплик эткен гражданларга эм предпринимательлерге каратылган административлик кеби болган демби этилинеек.
И.Янполов,
Ногай районы бойынша Россия МВД боьлигининъ полиция начальниги полиция подполковниги.