Озган йыл баьримизге де кыйынлы эди – яман коркынышлы мараз савлай дуныяды каплады, коьплеген яшавларды аькетти, солардынъ ишинде бизим ювыкларымыз да бар. Мага да бу йыл енъил болмады, мен оьзим де куьшли авырыдым, сол авырувдынъ калдык- лары буьгуьнлерде де таймайды. Баскалар авырымаса экен деген ой мени аьр заманда да кыйнайды. Сога коьре, мен биринши болып, вакцинация оьтпеге токтастым. Мага коьре, сонда бир сейирлик те йок, сондай ис – аьр биримиздинъ борышы.

Янъыларда мен Россияда биринши болып регистрацияланган Спутник V вакцинациясынынъ биринши компонентин алдым. Биринши куьн бираз басым авырыды, аьлиги заманда оьзимди ийги деп сеземен. Элимиздинъ, республикамыздынъ аьр бир гражданини танълагысы куьн уьшин яваплылык сезбеге керек. Бизим яшавымызга коронавируслы инфекция кайтып келмесин деп, кардаш-тувганларымыз, балаларымыз авырымасын деп каьр шекпеге керекпиз. Эгер биз вакцинацияды оьтпесек, мараз кетти деген сеним этип болмаспыз.
Мен баьрисин де сондай яваплы эм маьнели борышты толтырмага шакыраман.
Г.Бекмуратова,
«Шоьл тавысы» республикалык газетасынынъ корреспонденти. Россия Язувшылар эм Журналистлер союзларынынъ агзасы.