Туьнегуьн, коькек айынынъ 14-нши куьнинде, Дагестан Аькимбасынынъ куллыгын кесек заманга юритуьвши Сергей Меликов пан тувра эфир оьткерилмеге каралган эди. Болса да, ызгы заманда республика етекшисининъ ис графиги туьрленуьви мен байланыста, сол куьнге деп белгиленген оны ман юритилмеге каралган тувра эфир баска заманга коьширилген.

Сол шара кайсы куьн эм неше саьатте оьткерилееги куьнибурын билдирилеек деп язады Дагестан Республикасынынъ Аькимбасынынъ пресс-службасы. Регион етекшиси мен юритилеек эфирге аьли уьшин халктан 2 мынънан артык соравлар эм тилек- лер туьскен. Солардынъ коьбиси баалардынъ оьсуьви, кыйын актынъ оьлшемининъ тоьменлиги, калаларды эм районларды коьрклендируьв, солай ок турак уьй-коммуналлык маьселелери мен байланыслы . Солай ок савлык саклав эм ыхтыр йорыкты канагатлав бойынша соравлар да берилгенлер. Республика яшавшылары Сергей Меликовка йолларды ярастырув эм авмага турган турак уьйлердинъ соравларын шешуьв бойынша тилек- лер эткенлер.