Буьгуьнлерде кайбиримизди коронавируслы юкпалы маразы ман байланыста туьзилген аьллер тынышсызландырады.

Авырувлылардынъ саны айлак коьп болмаса да, азаймайды. Ногай район орталык больницадан келген билдируьвлерге коьре, карагыс айынынъ 13-нши куьнине 25 авырувлы бар. Карагыс айынынъ 7-нши куьниннен алып коронавирус пан авырыган аьдемлерге 30 орын аьзирленген. Буьгуьнлерде 15 авырувлылар мараздынъ белгилери мен больницага туьскен, 8 аьдемде коронавирус бар деп белгиленген, 16 аьдем сав болган. Уьйде врачлар каравы астында 36 аьдем эмленеди. Пандемия басланганнан алып район бойынша 566 аьдем коронавируслы инфекция ман авырыган.
Тынышланмага, оькинишке, аьли де эрте. Баьримиз де кавыфсызлык амалларды тутып, оьзимизди, кардаш-тувганларымызды мараздан саклайык.