30-ншы июнь 5-нши июль куьнлеринде Дагестан Республика еринде, XXI Халклар ара «Тавлылар» аталып, фольклор эм аьдеттеги маданият фестивали озгарылаяк.
Шара Азербайджан, беларусь, Монголия, Кубыла Осетия, Калмыкия, Хакасия, Башкортостан, Адыгея, ДНР, ЛНР, Ростов, Липецк, Тюмень, Белгород, Ярославль, Брянск, Астрахань ерлериннен Этномаданият асабалыгын саклавшыларды эм 50-ден артык фольклор дагестан коллективлерин бирлестиреди.
Фестиваль программасы бойынша «Россия тавыслары», «Халк аьдет-йорыклары», «Меним Дагестаным – меним Россиям» деген концертлер, «Йырла, ашуг!» деп аталган байрам эм сондай баска маданият шаралар озгарылмага каралады, дагестан усталарынынъ эм ислибийкелерининъ аьзирлеген оьнершилик ислери коьрсетилеек.
Оннан баска болып, Дагестаннынъ зейинли шаири Расул Гамзатовтынъ мерекесин байрамшылавга багысланып, «Бизим Расул» деген адабият марафоны эм сондай баска шаралар оьтееклер.
«Тавлылар» фестиваль майданлары Махачкала, Дербент, Унцукуль, Сергокала, Кули, Хунзах, Табасаран, Казбек, Акуша, Рутул, Буйнакск ерлеринде уйгынланаяк.